Tuir kronolójia husi família katak, Matebia Juga Gama, sente isin manas iha prizaun, nune'e iha loron tersa (11/05), guarda prizionál sira transporta nia ba halo tratamentu saúde iha sentru saude Bekora.
Bainhira to'o iha sentru saude, médiku sira deside halo teste swab ba nia, no ikus mai rezultadu hatudu pozitivu, ho nune'e médiku sira transporta kedan nia mai iha sala izolamentu Vera Cruz.
Maibé, iha loron kinta (13/05), pasiénte ne’e hakotu ona iis no Matebia sei rai hela iha izolamentu Vera Cruz.
Tuir observasaun www.tempotimor.com nota, iha portaun boot izolamentu Vera Cruz nian, hetan segunransa máximu husi Polisia Nasional Timor-Leste (PNTL), inklui família sira barak mak tuur ho tanis hodi hein mate isin atu lori fila ba uma, hodi hakoi tuir kultura.
Maske nune’e, família ho autoridade kompetente iha ona konkordansia Matebia nia mate isin sei lori ba matebian nia uma hafoin ba halot iha Semitériu públiku Bekussi. (*)