Print this page

Kada Loron SIJK Kontinua Rejista Kazu 100-Resin

Tempotimor (Dili)-Sentru Integradu Jestaun ba Krize (SIJK) kada loron rejista númeru kazu pozitivu 100-resin, tanba iha loron domingu (09/05) kazu covid-19 foun durante oras 24 nia laran hamutuk na'in-116, no rekuperadu 81.

Kazu pozitivu durante oras 24 nia laran kompostu husi munisípiu Dili 98, munisípiu seluk 18, iha mane 66, feto 50, ho idade tinan 12 na'in-3, ho idade entre tinan 12-59 na'in- 105 (90,5%) no idade 60 na'in-8.

Proporsaun kazu sintomátiku hamutuk 10,3% no total kazu konfirmadu kumulativuviha loron 9 fulan-maiu tinan 2021 (sura husi 21 Marsu 2020) 3227.

"Kazu foun pozitivu Covid-19 na'in-116 ne'ebé kompostu husi munisípiu Dili 98 munisípiu seluk 18 no kazu rekuperadu 81 no kazu ativu 1540", dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi Zoom Conference, domingu (09/05).

Durante loron rua nia laran (08-09/05) Laboratóriu Nasionál Saúde (LNS) halo 1256 testes PCR iha Dili, ho detalla hanesan, vijilánsia sentinela 25, rastreiu ba kontaktu (Contact tracing) 56, rastreiu aleatoriu (random screening) 780, viajen sai husi serka sanitária Munisípiu Dili 380, biajen internasionál 0 no follow up iha kuarentena 15.

Rejultadu testes PCR ne’ebé halo iha loron 8 fulan-maiu iha Munisípiu sira seluk hamutuk 374, ho detalla hanesan, Baukau 120, Ermera 42, Maubisse 132, Suai 39 no Vikeke 41. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items