Print this page

Aban, Komunidade Suku Bekora hahú simu Vasina

Vasina AstraZeneca Vasina AstraZeneca Foto Suplay

Tempotimor (Dili)-Ministériu Saúde (MS), aban segunda (10/05) liuhusi Ekipa saúde iha Sentru Saúde Bekora sei vasina komunidade sira husi aldeia Auhun, no aldeia Makoko-Mate, suku Bekora, Postu Administrativu Kristu Rei, Munisípiu Dili, tanba risku ba covid-19.

Xefe Suku Bekora, António da Silva Soares hatete, ekipa Sentru Saúde Bekora entrega ona lista ba autoridade sira, katak vasina prevensaun covid-19 ne'e sei hala'o uluk ba populasaun aldeia rua.

"Aban, segunda (10/05), sira mós iha vasina ba populasaun aldeia rua hanesan aldeia Auhun ho aldeia Makoko-Mate, aban atu sira halo vasina iha ne'eba, to'o dia 12”, informa nia ba www.tempotimor.com iha nia rejidénsia Bekora , domingu (09/05).

Hafoin aldeia rua ne'e vasina hotu sei kontinua vasina filafali konunidade iha aldeia Mota-ulun ho Aldeia Bekussi Kraik, iha loron kinta to’o sábadu (13-15/05)

“Aldeia haat ne'e iha momentu (awal) sira mak afetadu kona-ba covid-19, entaun vasina uluk sira, depois mak foin ba vasina filafali ha’u-nia aldeia 6 sira seluk”, hatete nia.

Tuir lista ne'ebé hetan aprovasun husi Ministériu Saúde katak, suku Bekora ninia populasaun hamutuk 733 mak sei simu uluk vasina.

Tanba ne’e iha loron 10 fulan-maiu, populasaun aldeia Auhun sei ba tuir vasina iha Xefe aldeia Auhun nia rezidénsia, inklui populasaun aldeia Makoko-Mate sei ba tuir vasina iha sentru saúde Bekora nian.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items