"Husu ba ema hotu-hotu atubele hola parte iha eventu importante ida ne'e, só ho vasina mak ita bele prevene risku invensaun nomós bele prevene ita-nia an”, dehan nia iha edifisiu Ministériu Solidaridade Sosial no Inkluzaun Kaikoli, sábadu (08/05).

Wainhira simu vasina, hetan moras sei la halo todan ema nia saúde no sei la lori ba Ospital.

"Husu partisaun husi  inan-aman, alin sira no maluk sira ne'ebé iha moras, halo favor atu hakbesik ba  Sentru saúde, Kampung Baru, Bekora, Farmoza inklui Hospital Nasional Guido Valadares (HNGV) no klinika Fatumeta hodi simu vasina”, dehan nia.

Husu mós ba sidadaun hotu, la bele rona informasaun ne'ebé la los, tanba fonte informasaun loloos mak sei sai husi Ministériu Saúde karik iha klarifikasaun ruma.

"Mai ita hotu-hotu vasina atu nune'e bele prevene moras iha ita-nia rain”, Nia husu

Vasina dadaun ne’e iha rihun-20 dozes ne'ebé mai husi Austrália iha semana kotuk, sei prioridade liu ba ema moras no ema tinan 60 bá leten no halo de'it iha Dili, hahú uluk husi Suku ho Aldeia sira liu-liu suku Komoro. (*)