“Kazu detetadu foun ne'ebé relata iha dia 06 de Maio 2021, hamutuk 84, iha Dili 65, no iha Munisípiu sira seluk iha na’in-19. Nune'e totál kazu ativu hamutuk ona 1417”, informa Rui liuhusi komunikadu ne’ebé www.tempotimor.com asesu, kuarta (06/05).
Husi totál kazu detetadu hirak ne'e, kompostu husi mane na'in-54, feto 30 ho idade ne'ebé mak lahanesan.
Haree ba númeru kazu detetadu hirak ne'e, ema ho ida 12 iha na'in-tolu, idade entre 12 to'o 59 na'in-80, ho pursentu 95,2 (95,2%), idade 69 ema na'in-ida.
Ba totál kazu konfirmadu kumulativu iha loron 06 fulan-maiu tinan 2021, sura husi loron 21 fulan-marsu tinan 2020 hamutuk 2870.
Maske iha kazu pozitivu hamutuk 84, maibé iha mós kazu rekuperadu ne'ebé relata iha oras 24 nia laran ho totál 81. (*)