Tanba iha kapitál Dili sai ona hanesan episentru ba espensaun covid-19 ne'e, aumenta maka’as hodi hada'et to'o munisípiu sira.
"Ita iha avansa ho medida rua, ida mak, dadaun ne'e governu deside avansa ho teste massal iha Dili no ida seluk avansa ho vasina”, dehan Taur ba jornalista sira hafoin sorumutu ho Prezidente Repúblika, Francisco Guterres "Lú Olo", iha palásiu prezidensiál Bairropite, kinta (06/05)
Xefe governu informa, iha loron 05 fulan-maiu vasina rihun 20 dozes mak mai husi Austrália no iha loron 19 vasina sei mai tan rihun 10.
"Foin lalais ita simu vasina 24 mill sei mai tan 38 mill no se buat hotu di'ak ita mós sei simu tan, se la'ós fulan ida ne'e prinsipiu fulan-jullu, ita sei simu 100 Mill taun ne'e besik 190 mill, ba fulan-maiu ho jullu nian", informa Taur.
Tanba ne’e konsentrasaun Vasina iha Kapitál Díli sei la’o maka’as, inklui mós Munisípiu sira iha territóriu laran.(*)