Funsionáriu hamutuk na'in-21 ne'ebé pozitivu Covid-19 ne'e, kompostu husi feto na’in-neen (6), no mane iha sanulu-resin-lima (15).
Pasiénte sira ne’ebé detetadu pozitivu hafoin teste swab iha semana ne’e, hafoin fó sai rejultadu pozitivu iha loron sesta (30/04).
Tuir informasaun ne’ebé www.tempotimor.com asesu, katak, funsionáriu hamutuk 21 ne'e, lakohi evakua ba fatin izolamentu ne'ebé governu prepara, maibé hakarak buka uma rasik hodi aluga.
“Iha ne’e sé mak hatene uma mamuk ita aluga de’it?”, pessoál husi GMN ida ne’ebé preokupa halai ba-mai buka fatin mamuk ba afetadu Covid-19 sira hodi hela.
Maibé, observasaun www.tempotimor.com iha terrenu nota, oras ne’e iha jornalista na'in-11 inklui pesoál seguransa ida mak prepara ona nia sasán no hein ambulánsia atu tula ba sala izolamentu iha kapitál Dili.(*)