Login to your account

Username *
Password *
Remember Me

Xanana Apela Kumpri Regra OMS, Deputadu CNRT Dúvida ho AstraZeneca

Prezidente CNRT, Kay Rala Xanana Gusmao ko'alia ba jornalista sira iha sede Partidu nian iha bairro dos Grillos, Dili, Segunda (26/4) Prezidente CNRT, Kay Rala Xanana Gusmao ko'alia ba jornalista sira iha sede Partidu nian iha bairro dos Grillos, Dili, Segunda (26/4) Foto Tempo Timor

Tempotimor (Dili)-Prezidente Partidu CNRT, Kay Rala Xanana Gusmão apela ba timoroan hotu atu kumori regra prevensaun Covid-19 tuir orientasaun OMS..

Maibé, deputadu opozisaun Congresso Nacional de Reconstrução de Timorense (CNRT) iha Parlamentu Nasional seidauk bele tuir vasina AstraZeneca, tanba sei dúvida hela.

Haree ba regra prevensaun ne’ebé fó sai husi Organizasaun Saúde Mundial (OMS), mak tau maskra, distansiamentu sosial, no fase liman bebeik.

"Rona katak ita iha ona, tanba ida ne'e mak, ha’u husu no apelu nafatin ba hototu atu kuidadu-an, para labele hetan, tanba buat ne'e nia daet mak provoka ita hotu bele hetan, tanba ita la hatene nia daet ba to'o iha ne’ebé”, hatete nia iha sede partidu CNRT bairo grilhos, segunda (26/04).

Dadaun ne’e iha ema barak ona hetan moras, maibé iha Timor-Leste sei kontente nafatin, tanba barak ona hetan moras ne'e maibé liu semana rua rekupera (di’ak) fali de'it.

"Ne'ebe ita bele dehan katak, ita sorteu boot, iha bara-barak tanba covid-19 mosu iha xina depois da'et ba iha europa, hahú ba rai balun, rai seluk ne’ebé simu, sira sempre dehan inportadu”, dehan nia.

Haree ba estadu emerjénsia , ho komfinamentu iha rai barak, kontrola dadauk ona, maibé Timor-Leste aplika estadu emerjensia dala hira tiha ona, maibe ohin loron rona kazu aumenta nafatin


Antes ne’e, Deputadu bankada Congresso Nacional de Reconstrução de Timorense (CNRT) rejeita simu vasina AstraZeneca iha Parlamentu Nasionál (PN) tanba sei dúvida ho aimoruk refere.

Maske loron segunda (19/04) deputadu sira husi bankada FRETILIN, PLP, PD, KHUNTO, UDT, deside tuir vasina, maibé bankada CNRT seidauk bele tuir.

Tanba ne'e, Deputada CNRT, Vergina Ana Belo li husi deklarasaun polítika hakarak hato’o ninia opiniaun no hanoin balun kona-ba vasina AstraZeneca ne’ebé Governu hahú aplika ona ba sidadaun balun.

Bankada CNRT buka no hatene benefísiu no risku husi vasina AstraZeneca ne’ebé ikus mai hetan informasaun katak nasaun barak mak suspende ona vasina refere.

Razaun prinsipál ne’ebé dudu nasaun sira ne’e suspende vasina AstraZeneca ne'e tanba bazeia ba Regulador Europeia no Inglaterra konfirma katak iha posibilidade ligasaun entre vasina AstraZeneca ho koágulu ran ka hamosu ran kafuak iha isin lolon.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter