Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS), Rui Maria de Araújo hatete, totál kazu konfirmadu kumulativu (sura husi loron 21 fulan-marsu tinan 2020) hamutuk 1897.
“Totál kazu ativu ohin, dia 25 de Abril 2021 hamutuk 1016. Kazu rekuperadu ne’ebé 29. Kazu detetatu foun 89 (iha Dili 70, iha Munisípiu seluk 19, Aileu no Baukau ida, Lautein 5, no Manufahi 12”, deklara Rui liuhusi Zoom Conference, domingu (25/04).
Husi kazu ne’ebé detetadu tuir evolusaun iha Munisípiu sira seluk inklui RAEOA durante oras 24 nia laran da deteta kazu foun.
Maibé husi total kazu detetadu foun mane 49, feto 40. Iha asintomátiku 74 (83,1%) no sintomátiku 6.
“Husi totál kazu detetadu foun iha 74 (83,1%) mak deteta tanba halo teste ho razaun atu halo viajen ba Munisípiu hafoin deteta pozitivu”, dehan Rui
Maske nune’e, sira ne’ebé rezultadu teste pozitivu husi grupu ida ne’e, maioria sira-nia hela fatin, iha duni cluster sira ne’ebé iha kazu detetadu barak iha Munisípiu Dili.
Nune’e mós iha loron rua nia laran Laboratóriu Nasionál Saúde halo 692 testes PCR, ho detalla vijilánsia sentinela 35, Rastreiu ba kontaktu (Contact tracing) 35, astreiu Aleatoriu (Random Screening) 20, viajen sai husi serka sanitária Munisípiu Dili 465, viajen internasionál 13, Follow up iha kuarentena 124 no teste follow up ba sira iha fatin izolamentu 37 ( 27 negativu ona, 10 sei nafatin pozitivu). (*)
