Login to your account

Username *
Password *
Remember Me

Inundasaun no Insidente Vera Cruz Haboot Risku Virus Covid-19 iha Dili

Juventude ho komunidade ne'ebe la fiar iha Covid 19 loke espandu iha meadus fulan Abril wainhira akontese insidente Vera Cruz Juventude ho komunidade ne'ebe la fiar iha Covid 19 loke espandu iha meadus fulan Abril wainhira akontese insidente Vera Cruz Foto Arkivu

Tempotimor (Dili)-Sentru Integradu Jestaun Krize (SIJK) fó sai katak inundasaun ne’ebé mosu iha loron 4 fulan-abril no insidente iha izolamentu Vera Cruz kontribui hábito Rusku Virus Covid-19 iha Timor-Leste aumenta maka’as.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS), Rui Maria de Araújo hatete, atubele hatene surtu ida ninia evolusaun, nomós aumenta ka diminui, indikador ida ne’ebé matenek-nain epidemiolojia nian uza, mak prevalénsia.

Tanba konvensionalmente prevalénsia sukat persentajen ema ne’ebé detetadu hetan moras ida, iha populasaun nia le’et, iha períodu tempu ne’ebé determinadu.

Nune’e, ekipa konjunta saúde buka determina prevalénsia ema ne’ebé detetadu Covid-19 iha Munisípiu Dili, no hetan rezultadu hanesan entre loron 2 fulan-abril ho loron 15 Abril 2021 (semana 2) iha prevalénsia 3,5% (264 pozitivu husi 7564 pesoál ne’ebé halo teste rastreiu aleatóriu & rastreiu atu halo viajen sai husi serka sanitária Munisípiu Dili).

Ba loron 16 fulan-abril to’o loron 22 Abril 2021 (semana 1) iha prevalénsia 7.3% (425 pozitivu husi 5799 pesoál ne’ebé halo teste rastreiu aleatóriu & rastreiu atu halo viajen sai husi serka sanitária Munisípiu Dili).

“Ajuntamentu ka aglomerasaun ema durante konfinamentu domisiliáriu jerál iha fulan-marsu to’o abril, aglomerasaun ema hafoin inundasaun loron 4 fulan-abril no insidente Vera Cruz loron 12 to’o 15 fulan-abril, halo boot liután risku propagasaun virus iha populasaun nia le’et”, afirma Rui liuhusi Zoom Conference, sábadu (24/04).

Tanba ne’e, aumentu prevalénsia iha semana ida hahú husi loron 16 to’o 22 fulan-abril tinan 2021, kompara ho semana 2 antes hatutu ona katak surtu iha Munisípiu Dili aumentu ba bebeik no hatudu ema barak infetadu.

Haree ba faktu katak maioria husi ema ne’ebé detetadu pozitivu la hatudu sintoma siknifika SARS-CoV-2, da’et maka’as ba mai iha populasaun Dili nia le’et.

“Se ita aplika 7% ba populasaun Dili, siknifika aumenta iha maizoumenus 20 mil pesoál mak infetadu ho virus SARS-COV-2 iha Munisípiu Díli. To’o ohin (24/04) iha Munisípiu Dili rejista de’it 1542 kazu detetadu. Ida ne’e siknifika maioria kazu pozitivu la detetadu”, afirma Rui.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter