Login to your account

Username *
Password *
Remember Me

SIJK Konkorda Aban Halot Mate Isin Covid-19 OM iha Semitériu Bekussi

Familia Matebean OM iha Portaun Entrada Sala Izolamentu Vera Cruz, Kinta (22/4). Familia Matebean OM iha Portaun Entrada Sala Izolamentu Vera Cruz, Kinta (22/4). Foto Tempo Timor

Tempotimor (Dili) - Sentru Integradu Jestaun ba Krize (SIJK) konkorda ona ho família hodi halot mate isin Covid-19 OM iha Semitériu públiku Bekussi, aban loron sesta (23/04).

Koordenadór Destakamentu Reasaun Rápidu, Aurelio Sérgio Cristóvão Guteres hatete, ekipa jestaun óbitu ne’ebé kompostu husi Pilar I, Pilar II, Pilar VI, Ministériu Saúde nian inklui mós Ministériu Solidaridade Sosiál, Cruz Vermella Timor-Leste, vistu jestaun ekipamentu Obras Públikas konvoka reuniaun ho família matebian, hothotu konkorda ona, oinsá bele halot matebian ne'ebé foin hakotu iis iha Vera Cruz.

"Ohin ami ho família konkorda hakoi iha Semitériu públiku Bekussi no sei prepara rate, kaisaun ba ona iha Vera Cruz, depois hakoi tuir ita-nia kultura, tuir buat sira ne'e hotu”, dehan nia liuhusi telefone, kinta (22/04).

Matebian ne’e sei halot tuir prosesu protokolu Organizasaun Mundial Saúde no Ministériu saúde ne’ebé adopta.

Entretantu, Oan husi matebian, Evanjelista Mendonça Amaral, informa sira-nia parte halo enkontru ona ho SIJK, hodi deside matebian ba hakoi iha Semitériu pùbliku Bekussi

"SIJK deside ona katak, aban dadersan tuku hitu sei lori matebian ba tau iha uma oras ida, depois mak lori ba halot iha Bekussi", dehan nia. (*)

Rate this item
(0 votes)
Last modified on Thursday, 22 April 2021 17:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter