SIJK rejista Kazu Covid-19 foun 57, Rekuperadu 33

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Foto Arkivu

Tempotimor (Dili) - Sentru Integradu Jestaun Krize (SIJK) detetadu kazu foun pozitivu covid-19 na'in-57 no rekuperadu hamutuk 33.

Kazu pozitivu ne'e kompostu husi munisípiu Dili na-in-53, munisípiu sira seluk na'in-4, rekuperadu na'in-33, kazu ativu 749 iha izolamentu.

"Dadus jerál ba Timor-Leste tomak kazu konfirmadu (sura husi 21 Marsu 2020) 1509, kazu detetadu foun ne'ebé relata iha loron 21 fulan-abril 2021 57 iha munisípiu Dili 53, iha munisípiu seluk 4), mane 34, feto 23, asintomátiku 52 (91,2%), no sintomátiku 5, kazu rekuperadu 33 no kazu ativu 749”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi Komunikandu Imprensa ne'ebé www.tempotimor.com asesu, kuarta, (21/04)

Husi totál kazu detetadu foun 50 (87,7%) mak deteta tanba halo teste ho razaun atu halo viajen ka halo ona viajen ba munisípiu hafoin deteta pozitivu.

Maske nune'e, sira ne'ebé rezultadu teste pozitivu, maioria sira-nia hela fatin iha duni cluster sira ne'ebé iha kazu detetadu barak.

Durante loron rua nia laran (20-21/04) Laboratóriu Nasionál Saúde halo 832 testes PCR ho detalles hansan, vijilánsia sentinela 42, rastrei ba kontaktu 32, rastreiu aleatoriu 336, viajen sai husi serka sanitária munisípiu Dili 397, vianjen internasionál 25 no follow up iha kuarentena laiha kazu.

"Teste follow up ba sira iha isolamentu husi horisehik Mai ohin total 49 (33 negativu, 16 nafatin pozetivu", relata nia.

Iha loron 21 fulan-abril 2021, izolamentu Vera Cruz iha kazu detetadu na'in-13 iha area obsterisia na'in-3, medisina interna na'in-9, pediatria 1.

"Sira na'in-3 iha obsterisia, kategoria moderadu hotu, na'in-2 tu'ur ahi ona 1 sei Hein, sira hotu iha kondisaun estável. Sira na'in-9 iha medisina interna 4 grave, 5 moderadu na'in-4, grave ida uza ventiladór, na'in-3 uza CPAP (Continuous Positive Airway Pressure), kazu 1 pediatria, 5 mese ho boncopneumonia moderadu, nia estável", informa Rui.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter