Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete, evolusaun kazu iha Munisípiu Díli hamutuk 73, Baukau 3, Bobonaro 3, Covalima 2, Vikeke 2, Lautein 1, maibé Munisípiu sira seluk inklui RAEOA laiha kazu foun iha oras 24 nia laran.
“Dadus jerál iha Timor-Leste laran tomak iha kazu detetatu foun ne’ebé relata iha dia 20 Abril 2021 hamutuk 84 (iha Dili 73, iha Munisípiu seluk 11). Totál kazu ativu 725”, dehan Rui liuhusi komunikadu imprensa, tersa (20/04).
Husi totál kazu detetadu foun iha mane 45, feto 39. Iha asintomátiku 76 (90%) no sintomátiku 8.
Haree ba totál kazu detetadu foun 45 (53,5%) mak deteta tamba halo teste ho razaun atu halo ona viajen ba Munisípiu hafoin deteta pozitivu.
Maske nune’e, sira ne’ebé rezultadu teste pozitivu, maioria sira-nia hela fatin, iha duni cluster sira ne’ebé iha kazu detetadu barak.
Alienden kazu rekuperadu ne’ebé ralata iha loron 20 fulan-abril tinan 2021 hamutuk 32. Tanba ne’e, totál kazu konfirmadu kumulativu (sura husi 21 Marsu 2020) 1452.
Husi loron 19 to’o 20 fulan-abril Laboratóriu Nasionál Saúde halo 1089 testes PCR, ho detalladu vijilánsia sentinela 34, rastreiu ba kontaktu (Contact tracing), 78, rastreiu aleatoriu (Random Screening) 378, viajen sai husi serka sanitária Munisípiu Dili 545, Aviajen internasionál: 54 no follow up iha kuarentena laiha kazu. (*)
