Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete, bebé na’in-3 moris iha Izolamentu Vera Cruz ho kondisaun estável.
“Sira na'in 3 iha obstetrisia, 1 partu normál (bebé 1), 1 partu oan-kaduak, 1 fali ho istória cesariana, hein atu partu. Sira na'in 3 kategoria moderadu hotu. Kondidaun bebé 3 estável”,
Maibé, iha izolamentu Vera Cruz kazu detetadu na'in-8, iha área obstetrisia na'in-3, medisina interna na'in-5.
“Sira na'in-5 iha medisina interna, 1 grave, na'in 4 moderadu”, dehan nia.
Kazu grave ne’ebé iha Vera Cruz, nafatin uza ventiladór no aimoruk balu tuir protokolu ne’ebé Timor-Leste adopta. (*)