Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo informa, kazu pozitivu ne’ebé rejista hamutuk 17 mak kazu ativu sa’e ba 547
“Kazu detetatu foun iha loron 14 fulan-abril tinan 2021, hamutum 17 (iha Dili hotu), Kazu rekuperadu 14. Totál kazu ativu 547. Husi totál kazu detetadu foun ohin mane 10, feto 7, Sintmátiku 3 no aasintomátiku 14”, hatete Rui liuhusi Zoom Conference, kuart (14/04).
Tanba ne’e, evolusaun surtu Covid-19 iha Munisípiu Dili deteta kazu foun 17. Nune’e, kazu detetadu ka pozitivu iha Munisípiu Dili husi loron 7 fulan-marsu 2021 (loron ne’ebé hahú deteta kazu iha cluster BTN II, Terra Santa, Madohi), to’o loron 14 fulan-abril 2021, hamutuk hotu 861.
Ho baze ba informasaun ne’ebé disponível, ekipa konjunta saúde halo fali revizaun ba foku propagasaun/cluster iha Munisípiu Dili.
Suku sai nu’udar area geográfika ne’ebé uza hanesan baze atu haree ligasaun entre kazu, no ligasaun ho expozisaun ba fonte infesaun. Maibé Munisípiu Dili, hamutuk hotu, sei nafatin iha cluster 23.
Haree ba evolusaun iha Munisípiu Sira seluk ho RAEOA, la deteta kazu foun. (*)
