Haree matebian ne’e rasik bainhira halo teste swab ho rezultadu ne’ebé pozitivu Covid-19, tanba ne’e sai preokupasaun boot, maske sidadaun balun dehan surtu Covid-19 la eziste iha Timor-Leste.

"Saida mak ha’u prekupa mak imi, ema bele hatete dehan Vírus ne'e laiha, ema la fiar mais buat ne'e eziste. Ita tenki prevene ita ida-idak nia-an, tanba matebian iha, nia ferik oan mós iha, nia oan feto mós iha. Siginifika ita sira ne'e bele kontamina”, dehan Odete bainhira konvense família matebian Armindo iha izolamentu Vera Cruz Dili, tersa (13/04).

Mesmu iha situasaun dilema tanba seidauk simu realidade maibé vírus Covid-19 dezenvolvidu lalais bainhira imunidade menus.

"Mak ne'e dala-ruma ne'e dilema, dilema boot ida que ita hili iha situasaun difísil ita lakohi simu realidade ne'e maibé ha’u mós husu imi tenke deskansa, buat ida virus ne'e dala-ruma ita la deskansa nia dezenvolve lalais”, dehan Odete.

Entertantu, tuir SIJK informa diagnóstika husi laboratóriu nasional Ministériu saúde, matebian Armindo Borges pozitivu Covid-19, maibé iha mós membru família na’in-rua ne'ebé mak kontamina Covid-19.(*)