Print this page

Pozitivu Covid-19 Na’in-Rua Livre Hela iha Kapitál Dili

Ministra Saude Odete Maria Freitas Belo  wainhira dada lia ho Prezidente CNRT iha Vera Cruz, Segunda (12/4) Ministra Saude Odete Maria Freitas Belo wainhira dada lia ho Prezidente CNRT iha Vera Cruz, Segunda (12/4) Foto Arkivu

Tempotimor (Dili) - Ministra Saude Odete Maria Freitas Belo hatete, sidadaun na’in-rua pozitivu ba moras Covid-19 dadaun ne’e livre hela, tanba lakohi koopera ho Ekipa Saúde sira.

Maske ekipa Saúde konsege identifika mós ema na’in-rua nu’udar família husi matebian Armindo Borgues ne’ebé identifika pozitivu ba covid-19, maibé Ministeriu Saúde (MS) deside husik livre.

"Sim, ida ne'e mak ami tau kestaun, sim ami husik tanba saida, tanba ita la rona malu”, dehan nia iha PN, tersa (13/04).

Ministériu Saúde sente ida ne'e sai kestaun maibé fiar katak ne'e la’ós governu mak sala, tanba família na’in-rua lakoi koopera.

“Agora sala ne'e atu fó ba se, fó ba Ministériu Saúde ka fó ba governu, ne'e labele”, afirma nia.

Tuir lolos, pandamia ida, ema hotu tenke kontribui, se hatene nia iha moras, tenke kontribui hodi ba hela iha izolamentu.

"Sa tán sira moras covid, depois ha’u la hatene ba iha ne'eba, sira sei tau máskra ka lae?, sira besik avó Nana iha ne'eba, ida ne'e tau ita hothotu nia preokupasaun”, deklara nia.

Ekipa Ministériu Saúde ko’alia ne'e la'ós tanba regra, maibé ko’alia tanba Maun Xanana mós iha ne'eba hela, enkuantu wainhira hothotu hakarak ba besik iha ne'eba.

Maibé sira lahatane dehan sira lori moras ba Xanana depois kuandu Xanana moras hanesan sira, se mak bele fó responsabiliza.

"Ita reza katak nia la moras, se karik nia moras se mak atu responsabiliza, ida ne'e ita tenke haree”, preokupa.(*)

Rate this item
(0 votes)
Last modified on Tuesday, 13 April 2021 20:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items