Infelizmente indudasaun la ajuda tanba provoka ema barak mak lakon sira-nia uma, hela fatin, lakon sira-nia meus atu moris entaun tenke buka dalan no SIJK mós labele inpoint katak ema labele sai husi Dili bainhira laiha meus atu moris.
"Los duni inundasaun ne'e influénsia buat barak tebes maibé nafatin moras ne'e iha hela ita-nia leet e tanba duni inundasaun hamosu tan kondisaun ne'ebé difikulta ita-nia inisiativa sira atu halo prevensaun”, dehan Rui iha Sentru Saúde Formosa, kuarta (07/04).
Inundasaun mós halo ema barak hakat sai husi Dili ba Munisípiu, maibé ekipa konjunta saúde nian iha Munisípiu nafatin matan moris neon nain deteta no halo teste.
Nune'e, apela ba ema hotu ne'ebé iha Munisípiu karik detetadu pozitivu atu kolabara nafatin ho autoridade Munisípiu sira nune'e labele hadaet tutan vírus iha família no komunidade.
Entertantu, inundasaun ne'ebé akontese obriga populasaun barak mak tenke ba hela provizóriu iha fatin refuziadu, loja barak mak hahú loke fali inklui movimentu iha Dili rame tanba maioria populasaun la’o sai hodi buka nesesidade urjente.(*)