Tuir istoria klinika ne'ebé SIJK hetan, sintomas FG hahú hetan iha loron 3 to’o 4 fulan-marsu tanba dada iis susar, no ida ne’e karater husi vírus covid-19, hafoin aumenta tan vitima nia rins la halo vitru ho diak tamba lahasai toksin sira iha isin halo aumenta agrava liután.
"Duvida públiku nian ne'e la muda faktu katak ema ne'e mate, antes nia mate teste hetan covid-19 depois mate foti sampel vírus covid-19 iha ne'ebá, faktu mak ne'e ema ida mate ne'e vírus covid-19 iha nia isin”, afirma Rui iha Sentru Saúde Formosa, kuarta (07/04).
Tuir lolos halo autopsia mak hatene maibé matebian sofre moras respitoriu ka dada iis ladi’ak tanba inflamasaun husi covid-19, alende ne'e kauza seluk matebian sofre moras rins.
"Se ita hakarak hatene lolos ninia kauza morte saida mak provoka ne'e tenke halo autopsia depois mak ita bele komprova maibé ita haree husi istoria klinika ne'e primeiru nia mate ne'e tamba buat ne'ebé bolu dehan respitoriu distres, nia dada iis, oksizenasaun susar entaun provoka to’o nia iis kotu, agora saida mak halo com que nia dada iis susar primeiru Covid-19 nia inflamasaun ne'e bele provoka e segundu ninia funsaun rins ne'e la normal bele agrava liután”, dehan Rui.
Maske, médiku sira iha izolamentu observa, tuir lolos solusaun mak tenke halo hemodiálise ka fase ran atub toksin sira iha matebian nia isin labele provoka komplikasaun barak liután.
Matebian Feto inisial FG, idade 44 anos, diagnostikadu pozitivu SARS-CoV-2 iha loron 24 fulan-marsu bainhira foti asmostra iha loron 23 fulan-marsu cluster Sagrada Família, Bidau, asintomatiku. Iha uma-laran hamutuk ema na'in-2 mak pozitivu.
Bainhira halao observasaun intensivu, ho diagnoze de traballu Covid-19 Kazu Grave plus uremia, tanba insufisiénsia renal faze term inal.
Rezultadu teste PCR post -mortem hafoin iis-kotu pozitivu ho Cycle Threshold N2 Gene 34.5; E Gene 30.8.(*)