"Vasina ne'e planeadu ona hodi to'o iha Timor Leste (TL) mak ami ne'ebé lojistikamente asegura katak tenke mai duni no ami prontu atubele asegura ida ne'e”, dehan Santana Martins, iha Kampun-Alor segunda (05/04).

Nia hatutan, sira prontu atu asegura maibé importante mak apoiu husi parte entidade sira, hanesan eletrisidade ninia tenke tau prioridade ba iha SAMES.

Maibe, preokupasaun ba SAMES mak kona-ba jestaundistribuisaun, tanba dadaun ne'e iha territóriu laran tomak afetadu ho inundasaun, estrada aat, rai monu, bele afetadu tuir tarzetus katak loron sanulu (10) nia laran vasina tenke uza hotu.

“Tuir tarzetus, vasina ne’e uza hotu durante dez dias, entaun governu presiza haree no analiza intervensaun ida para buka maneira oinsá atu ita bele distribui no uza hotu tuir tarzetu ne'ebé iha”, dehan nia.

Ba Jerador nia temperatura ne’ebé mak preparadu ba ai-moruk vasina nia, +2 to'o +8, diferente tebes ho jestaun rejentu sira ne’ebé mak tenke rai iha fatin -15 to’o -25. (*)