AstraZeneca Doses Rihun 24 Sei Sirkula Iha TL Laran

Diretóra Jerál Prestasaun Servisu Ministériu Saúde, Odete da Silva Viegas Diretóra Jerál Prestasaun Servisu Ministériu Saúde, Odete da Silva Viegas Foto Arkivu

Tempotimor (Dili)- Diretóra Jerál Prestasaun Servisu Ministériu Saúde, Odete da Silva Viegas hatete, dadaun vasina AstraZeneca Doses rihun 24 mak to'o ona iha Timor-Leste (TL), nune'e sei distribui ba munisípiu hotu.

Vasina AstraZeneca ne’ebé to’o ina Timor-Leste ho objetivu atu halo prevensaun ba moras Covid-19 ninia hada'et maka’as.

Vasina ne'ebé, Timor-Leste atu hetan hamutuk pursentu 20, doses rihun 263, maibé ohin to'o ne'e, faze dahuluk ho rihun 24 Doses, segundu faze nian sei mai iha tempu tuir mai.

"Vasina ne'e 20 pursentu, lolós husi 20 pursentu ne'e ita sei hetan purvolta 263 doses de vasina, maibé vasina ne'ebé mak to'o mai, ita bele hatete katak, 1 pursentu vasina mak to'o mai, tanba 24 mil doses de'it, entaun signifika katak, 24 mil doses ne'e ita sei fó ba profisionál saúde sira, nomós front line, inklui ita-boot sira mídia”, dehan nia hafoin simu Vasina AstraZeneca iha Aeroportu Internasionál Prezidente Nikolao Lobato Komoro, segunda (05/04).

 

Capt. Foto foto hamutuk hafoin lansamentu entrega Vasina AstraZencas ba Timor-Leste iha Aeroportu Internasionál Prezidente Nikolao Lobato Komoro, segunda  (05/04).

 

Vasina ne'e, tuir lista Ministériu Saúde nian ne'ebé atu fó dahuluk ba profisioná saúde, F-FDTL, PNTL, mídia, Bombeirus, Protesaun Sivíl, servisu Aeroportu, Imigrasaun sira.

Nune'e, lansamentu ba implementasaun vasina sei hala'o iha loron 07 fulan-abríl tinan ne'e, no séi fó uluk ba iha ema na'in-20.

"Maibé, iha dia 07, fasilidade saúde iha Dili laran, sentru saúde 6, inklui ospitál séi hala'o hotu kedan vasina iha loron ida ne'e”, informa nia.

Vasina refere, sei rai iha armajen Servisu Autonomu Médikamentu Saúde (SAMES), no loron tersa (06/04) sei distribui ba Munisípiu Dili, tanba iha loron kuarta (07/04) Sei halo lansamentu, no distribui mós ba Munisípiu sira seluk, nune'e iha loron kinta (08/04) hothotu hala'o vasina.

"Vasina ne'e, ita mós fó ba ema sira ne'ebé moras króniku, tensaun, korasaun, diabetes, ho mós ema fase rán sira ne'e, ne'ebé orsida iha prosesu vasinasaun ne'e, ita mós séi fó tempu ba ema sira moras para halo vasina, ne'ebé maske ema moras, maibé nafatin fó vasina, maibé haree sira-nia kondisaun iha momentu ne'eba”, dehan Odete.

Meius ba vasina, dahuluk sei halo rejistrasaun, teste Screemin, koko tensaun, hafoin simu vasina, depois ba fali iha fatin observasaun, sé la sente oin halai, entaun bele haruka ba uma, maibé iha efeitu ruma ekipa saúde sira halo kedan atendementu. (*)

Rate this item
(0 votes)
Last modified on Monday, 05 April 2021 17:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter