Tuir observasaun www.tempotimor.com iha terenu nota katak, ekipamentu vasina ne'e tula ho Aviaun Airlines ne'ebé aluga husi governu Timor-Leste.
Nune'e, ekipamentu refere hatun husi aviaun, ekipa servisu saúde sira halo kedan dezinfekta, hafoin lori sai ba fatin ne'ebé governu prepara ona.
Tuir planu governu nian, vasina ne'e sei implementa uluk ba pesoál liña frente sira hanesan, pesoál saúde, F-FDTL, PNTL, Mídia, Imigrasaun, Alfándega, Aeroportu, n mós ema ne'ebé ho idade 60.
Maibé, antes implementa vasina, Ministériu Saúde sei halo advokasia kona-ba dadus iha territóriu laran, no vasina ne'e sei fahe ba kada Munisípiu hodi halo vasina.
Dadaun ne'e, parte UNICEF, WHO, Organizasaun Mundiál Saúde (OMS), entrega ona ekipamentu vasina AstraZeneca ba Timor-Leste iha Aeroporto Internasionál Prezidente Nikolau Lobato komoro.
Antes Vasina AstraZeneca iha Aeroportu Internasionál Prezidente Nikolau Lobato ne'e, hetan prezensa husi Ministra Saúde (MS), Odete Maria Freitas Belo, Vice-Ministra Saúde, Bonifacio Maucoli, Ministra Negósiu Estranjeiru no Kooperasaun (MNEK), Adaljiza Magno, inklui mós ekipa konjunta.(*)