Kazu Pozitivu Covid-19 iha Díli Sa’e Ba 527

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo Foto Arkivu

Tempotimor (Díli) - Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete, kazu pozitivu iha Munisípiu Díli to’o loron 2 fulan-abril 2021 kontinua aumenta, maibé iha mós rekooperadu.

“Evolusaun surtu Covid-19 iha Munisípiu Díli, Ohin iha kazu foun 34. Nune’e, kazu detetadu ka pozitivu iha Munisípiu Dili husi dia 7 de Marsu 2021, to’o ohin, 2 de Abril de 2021 hamutuk hotu 527”, deklara Rui liuhusi komunikadu imprensa, sesta (02/04).

Ho nune’e, iha Munisípiu Dili, iha cluster foun 2, Ataúro ho Aldeia Rai Nain, Suku Bairro Pite.

Totál iha cluster 50 mak sei nafatin hatudu atividade hada’et-tutan virus SARS-CoV-2, husi ema ida ba ema seluk, liliu iha Suku Madohi, Bebobuk, Fatuhada, Komoro, Bairro Pité, Motael, Kulu-Hun, Lahane Oriental, Bekora.

Hakarak informa mós katak kazu pozitivu rua iha Ataúro, halo viajen husi Dili iha loron 31 fulan-marsu. Iha Dili hela Bidaun Santana. Ekipa konjunta saúde buka-tuir hela sira-nia kontaktu-besik iha Dili nomós iha Ataúro.

Rui esplika, dadus jerál kazu foun nian hamutuk 34, kazu rekooperadu 24, no kazu Ativu iha 461, iha mane 19, feto 15, husi númeru ne’e iha sintomáiku na’in-2 no asintomátiku hamutu 32.

Haree ba evolusaun surtu Covid-19 iha Timor-Leste hahú loron 22 fulan-fevreiru tinan 2021, tuir klasigikasajn transmisaun Organizasaun Mundial Saúde (OMS), Munisípiu Dili totál Komulativu kazu 527, kazu foun iha oras 24 ikus iha kazu 34, lasifikasaun transmisaun kazu iha cluster.

Iha Munisípiu Baukau totál komulativu kazu 26, Kazu foun iha oras 24 ikus 0, klasifikasaun transmisaun kazu iha cluster. Munisípiu Covalima totál komulativu kazu 19, kazu foun iha oras 24 ikus 0, klasifikasaun transmisaun kazu iha cluster.

Nune’e mós Munisípiu Vikeke totál akomulativu kazu 11, kazu foun iha oras 24 ikus 0, klasifikasaun transmisaun kazu iha cluster. Iha Munisípiu Ermera totál komulativu kazu 2, kazu foun iha oras 24 ikus 0, klasifikasaun transmisaun kazu iha cluster.

Iha mós Munisipiu Lautein no RAEOA ho kazu komulativu 1 laiha kazu foun no klasifikasaun transmisaun kazu esporádiku. No Munisípiu sira seluk laiha kazu.

Husi loron 01 to’o 02 fulan-marsu Laboratóriu Nasional Saúde (LNS) halo 632 testes PCR, inklui 223 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisípiu Dili.

Totál pedidu autorizasaun esepsionál atu sai husi serka sanitária iha Munisípiu Dili, iha loron 01 fulan-abril, hamutuk hotu 167. Sekretariadu CIGC responde hotu kedan, maibé 24 pedidu la prienxe kritéria tuir Resolusaun Governu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter