Ministra Saúde (MS), Odete Maria Freitas Belo hatete, sasán ne’ebé apoiu husi parseiru sira atubele fasilita hodi rai vasina ne’ebé sei to’o mai.

“Ohin ita simu sasan ne'ebé apoiu husi ita-nia parseiru sira, Tanba ne'e ha'u hanoin importante teb-tebes no ita koalia de'it kona-ba cold room ne'e ita tenke halo Handover tanba ida ne'e liga teb-tebes ho vasina, ita koalia kona-ba supplay chain, liu-liu ba iha supplay chain iten malirin nian, ita la ko'alia ba buat seluk maibe ita koalia ba jelera sira", dehan Minisra iha Kampung Alor Sames, kinta (1/4).

Ministra sibliña, sira-nia preparasaun ne'e la'ós foin, maibé sira liuhusi dalan ida ne’ebé mak naruk kona-ba preparadaun.

“Bainhira prepara planu vasina, ita sei sente vasina ne'e la forti e ita lori ba konsellus ministru atu hetan sira-nia konesimentu”, deklara Ministra Odete

Hafoin halo tia planu vasina, prepara rout map ba preparasaun vasina nian, entaun ho rout map ne’ebé halo ne'e, sente hanesan la seguru no lori rout map ba aprezente iha konsellu ministru, la'ós atu hetan aprovasaun maibé atu hetan koñesimentu haree ba preparasaun.

“Tanba ema barak kestiona kona-ba ita-nia preparasaun, ema hanoin dehan ita nonok de’it, ema hanoin dehan ita la halo servisu tanba ne'e, ita-nia apresentasaun iha konsellu ministru la'ós atu hatudu katak ita la'ós servisu lae, maibé atu asegura katak, atu dehan ita-nia prosesu, ita-nia prosedimentu sira ne'e ita hala'o hela”, dehan nia.

Ho ida, mak rout map ne'ebé aprova iha komisaun inter-ministerial sira la husik, maibe implementa rout map ne'ebé mak iha, ida-idak la'o tuir rout map ne'ebé mak iha.

“Ikus liu ne'ebé sai hanesan kestaun, sai hanesan preokupasaun ba ita mak, ita lahatene vasina ne'e atu to'o, ida ne'e mak sai preokupasaun no la mentavel teb-tebes, halo purke ema la fiar, lakon konfiansa ba ita-nia servisu, maibé ita halo servisu ho delikadu, ita hahú la'o servisu ho ita-nia rout map ne'ebé iha, buat hothotu bele akontese tuir tempu”, afirma nia. (*)