Bainhira ko'alia kona-ba implikasaun vasina AstraZeneca ne'e, ko'alia mós kona-ba efeitu efeitu husi vasina ne'e rasik.
"Mais estudu ne'ebé hatudu husi peritu sira halo dadaun, analiza ba informasaun sira ne'ebé fó, relasiona ho kalkulusaun ne'ebé mak mosu iha vasina ne'e rasik, laiha evidénsia ida hatudu katak, vasina AstraZeneca mak halo ema ne'e sofre ou ema ne'e mate”, afirma Odete hafoin partisipa atividade handover iha Kampung Alor, Sames, kinta (01/04).
Nia esplika bainhira ema mate hafoin vasina, signifika nia iha moras kronik ruma ne'ebé nia iha antes simu vasina refere.
"Entaun ida ne'e bele mós la'ós vasina mak halo nia mate maibé tanba moras ne'ebé nia iha mak nia mate”, afirma.
Tamba, vasina ne'e rasik la hatodan ema nia moras maibé vasina ne'e atu hasa'e ka prevene ema husi moras covid-19.
"Ne'ebé nafatin apela ba populasaun katak, nafatin partisipa atubele hetan vasina ne'e, ida ita seguridade ba ita-nia aan, segundu ita mós fó seguridade ba ema seluk, siginifika katak se ita hetan Covid, ita-nia modelu ida transmisaun ne'e mós ki'ik, ema seluk atu hetan”, haktenik Odete.(*)