Print this page

Governu Seidauk iha Data Fiksu Vasina AstraZeneca to’o TL

Ekipa Saude Timor Leste halo Teste Swab ba Primeiru Ministru VIII Governu Konstitusional, Taur Matan Ruak, iha Dili foin lalais ne'e Ekipa Saude Timor Leste halo Teste Swab ba Primeiru Ministru VIII Governu Konstitusional, Taur Matan Ruak, iha Dili foin lalais ne'e Foto Arkivu

Tempotimor (Díli) - Primeiru Ministru (PM), Taur Matan Ruak hatete, governu seidauk iha data fiksu ba aí-moruk vasina AstraZeneca bainhira mai to’o Timor-Leste (TL).

Maske Governu kontinua dezenvolve esforsu sira iha kontaktu ho entidade internasionál oinoin, ne’ebé ho objetivu atu garante asesesu iha prazu adekuadu ba vasina hirak-ne’e, tuir kompromisu atu proteje populasaun tomak to’o tinan ne’e remata.

“Liuhusi sistema globál ida-ne’e, garante katak iha tempu badak vasina sira sei to’o iha ita-nia nasaun. Maibé, seidauk iha data fiksu ne’ebé atribui”, deklara PM Taur iha ninia diskursu iha Parlamentu Nasionál, kuarta (31/03).

Taur dehan, vasina sira ne’e to’o mai, sai nu’udar responsabilidade ema hotu nian atu kontribui hodi evita katak timoroan ida labele mate tanba vírus ida-ne’e.

Tanba, hahalok ema ida-idak nian mak sei garante salvaguarda ema nia moris rasik no sei salva ema seluk nia moris.

“Ita hotu tenke hanoin no fó hanoin ba ita-nia kompatriota sira, kona-ba esforsu no hahalok responsável ne’ebé ita adota iha tinan kotuk, atu ita bele rekupera prátika di’ak no komportamentu sira ne’ebé evita ona hodi redúz mate no propagasaun husi moras ne’e durante tinan 2020 nia laran iha Timor-Leste”, afirma nia. (*)

Rate this item
(0 votes)
Last modified on Wednesday, 31 March 2021 14:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items