Login to your account

Username *
Password *
Remember Me

Loron 20 Díli Rejista Kazu Pozitivu Covid-19 318

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Foto Arkivu

Tempotimor (Díli) - Dadus Kazu Pozitivu Covid-19 durante loron 20 nia laran Sentru Integradu Jestaun ba Krize (SIJK) rejista iha Munisípiu Díli ho total hamutuk 318.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, dadus jerál kazu foun 28, kazu rekuperadu 2, totál kazu ativu 324. Husi kazu foun na’in 28, iha mane na’in 15, feto na’in 13. Ema sintomátiku-lijeiru 4 no asintomátiku 24.

“Ohin, iha Munisípiu Dili iha kazu foun 26. Nune’e, kazu detetadu ka pozitivu iha Munisípiu Dili husi loron 7 to’o 27 fulan-marsu tinan 2021 total kazu hamutuk 318”, deklara Rui liuhusi Zoom conference, sábadu (27/03.

Rui esplika, baze ba informasaun ne’ebé ekipa konjunta saúde nian rekolle, foku/cluster kazu pozitivu iha Dili, hetan revizaun hanesan, kazu detetadu 318 iha Dili ne’e, fahe ba cluster 52, namkari iha instituisaun 4, eventu 1 no fatin kuarentena 2, suku 16, iha Postu Administrativu D. Aleixo, Vera Cruz, Nain Feto & Cristo Rei.

“Husi cluster 52 ne’e, iha cluster 20 mak semana 1 nia laran, laiha kazu foun”, dehan Rui.

Haree ba evolusaun surat Covid-19 iha Munisípiu Baukau, kazu foun 2, husi Aldeia Builai, Suku Buibau. Hamutuk hotu iha Baukau iha 26 Kazus detetadu, iha cluster 7.

Maibé, evolusaun surtu Covid-19 iha Munisípiu Vikeke, laiha iha kazu foun. Hamutuk hotu Munisípiu Vikeke deteta ona kazu konfirmadu na’in-10. Nune’e kazu detetadu iha Munisípiu Vikeke fahe ba cluster 3.

Iha Munisípiu Lautein ho RAEOA sei nafatin ho kazu detetadu 1. No Munisípiu sira seluk, hala’o atividade hanesan baibain.

Husi loron 26 to’o 27 fulan-marsiál Laboratóriu Nasional Saúde (LNS) halo 611 testes PCR, inklui ona iha laran 252 ne’ebé mai husi pedidu autorizasaun esepsionál atu sai husi serka sanitária iha Munisipiu Dili.

“Total pedidu autorizasaun esepsionál atu sai husi & tama mai serka sanitaria iha Munisípiu Dili, horiseik dia 26 de Marsu, hamutuk hotu 130. Sekretariadu CIGC responde hotu kedas, maibé 75 pedidus de’it mak prienxe kritéria tuir Resolusaun Governu. (*)

Rate this item
(0 votes)
Last modified on Tuesday, 28 June 2022 15:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter