Login to your account

Username *
Password *
Remember Me

Ohin, Kazu Covid-19 Sa’e Drástika Ba 55, Ativu Iha 206

Tempotimor (Dili) - Númeru kazu pozitivu Covid-19 iha loron domingu (21/03) konsege sa’e drástika ba 55 iha Timor-Leste (TL), tanba ne’e kazu ativu sa’e ba 206.

Númeru kazu ohin loron nian kompara ho loron hirak liuba iha númeru ne’ebé bele dehan ladun boot, maibé loron domingu sae maka’as, tanba iha loron sábadu Sentru Integradu Jestaun Krize rejista dt kazu 19, tanba ne’e kazu ativu sa’e ba 154 no aumenta 55 mak total kazu ativu hamutuk 206, no iha tolu mak rekooperadu.

Liuhusi Zoom conference, domingu (21/03), Koordenadór Forsa-Tarefa Prevensaun no Mitigasaun Surtu Covid-19 iha Timor-Leste, Rui Maria de Aráujo hatete, kazu pozitivu foun aumenta na’in 55.

"Kazu foun ohin 55. Kazu rekuperadu 3. Kazu ativu 206. Kazu na'in 55 ohin, iha mane nain 23, feto nain 32. Ema ho idade tinan 0-14 na'in-13. Ema ho idade entre tinan 16-67 na'in 42. Ema sintomátiku 9. Ema asintomátiku 46", dehan Rui.

Iha Munisípiu Dili kazu foun 43. Kazu pozitivu 1, hela iha Aldeia Berbidu, Suku Bekora, Posto Administrativu Cristo Rei. Pozitivu ida ne’e kontaktu-besik ho kazu konfirmadu iha cluster HNGV. Kazu pozitivu 9, hela iha Aldeia BidauTokobaru 2, Suku Kulu-hun, Postu Administrativu Cristo Rei.Pozitivu hirak ne’e kontaktu-besik ho kazu iha cluster hanesan, ne’ebé anunsía horiseik, dia 20 de Marsu.

Kazu pozitivu 26, hela iha Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan.

Kazu pozitivu 7, hela iha Aldeia Grilhos, Suku Gricenfor, Postu Administrativu Nain Feto. Pozitivu hirak ne’e kontaktu-besik ho kazu husi cluster hanesan.

Iha Munisípiu Baukau, iha kazu foun 11. Kazu foun hirak ne’e, hela iha Aldeia Builai, Suku Buibau, Baukau Vila. Kazu konfirmadu hirak kontaktu-besik ho kazu husi Aldeia Lamegua ne’ebé anunsia iha dia 19 de Marsu.

Iha Munisípiu Vikeke, kazu foun 1. Kazu foun ida ne’e, hela iha Aldeia Mamaluk (Beloi), Suku Karaubalu, Vikeke. Kazu konfirmadu ida ne’e kontaktu-besik ho profisionál saúde ne’ebé halo kursu pós-laboral iha UNTL & fila husi Dili ba Vikeke iha loron 8 fulan-marsu. (*)

Rate this item
(0 votes)
Last modified on Sunday, 21 March 2021 17:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter