Login to your account

Username *
Password *
Remember Me

PR Lú Olo Husu Governu Implementa Lalais Programa Vasinasaun

Prezidente Repúblika (PR), Franscisco Guterres “Lú Olo” Prezidente Repúblika (PR), Franscisco Guterres “Lú Olo” Foto Midia PR

Tempotimor (Dili) - Prezidente Repúblika (PR), Franscisco Guterres “Lú Olo” husu ba governu atubele implementa lalais programa vasinasaun hodi proteje sidadaun hotu husi pandemia Covid-19.

Tanba ai-moruk vasina AstraZeneca ne’ebé produz husi universidade Oxford (Inglaterra) atu proteje ema husi moras COVID-19.

"Governu sei implementa programa vasinasaun ba populasaun sira. Prezidente Republika husu atu Governu implementa lalais programa vasinasaun ba populasaun sira. Ho laran haksolok mak ha’u simu informasaun katak Timor-Leste sei simu vasina oferese husi parseiru dezenvolvimentu sira”, relata Prezidente Repúblika iha Palásiu Prezidensiál Barru Pité, sesta(19/03)

Haree ba kazu pozitivu sira sa’e babeibeik, liuliu iha Dili, mak Governu foti medidas restrisaun iha Kapitál nasaun, hodi aplika serka sanitária no konfinamentu domisiliáriu obrigatóriu.

Tuir rezolusaun Governu númeru 16/2021, 15 fulan-marsu, sidadaun hotu bele de’it sai husi uma atu sosa hahán , ai-moruk, kombustivel, sosa pulsa ba telefone no eletrisidade, ba banku, ba konsulta ho doutor, atu ajuda ema ruma, trata asuntu justisa no seluk tan ne’ebé mak esensial.

Maibé, medida seluk ba serka sanitária mak ema labele tama no sai husi Dili. Husi loron 16 fulan-marsu, medida rua ne’e aplika mós ba Munisípiu Baukau no Vikeke, tanba hetan kazu pozitivu iha Munisípiu rua ne’e.

"Maibé, Governu Timor-Leste mós buka hela dalan atu sosa vasina ho ita-nia osan rasik, no nune’e populasaun tomak Timor-Leste bele simu vasina no proteje-an hasoru moras at ne'e ho medida sira ne’e mak ita bele prevene no kombate moras Covid-19", afirma nia.

Husu ba siddaun hotu tenke halo tuir konfinamentu obrigatóriu ne’e atu profisionál saúde isira bele halo rastreiu ka buka tuir ema ne’ebé kontaktu besik ho kazu pozitivu hodi halo prevensaun no mitigasaun ba efeitu kontaminasaun Covid-19.

Atu hatan lalais ba povu nia halerik, husu atu Governu kria mekanizmu lalais atu populasaun, liuliu ba sira ne’ebé laiha rendimentu, atubele hetan asesu ba hahán loroloron nian maibé respeita nafatin medida prevensaun no kontrole Covid-19.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter