Tuir Video ne'ebé fontes sira oferese hatudu momos na'an rohan ne'ebe silu fahe ona tau hamutuk ho etu ho modo tahan ituan.
"Doutora mai hare, modo ho hahán, ne'e meudia nian fo fali mai hare to'ok, hahan saida maka hanesan ne'e.Na'an ne'e meudia nian maka sira silu fo fali mai ne'e. Doutora hare ho matan ba, orsida ami maka ko'alia de'it dehan ami mak bosok.Na'an ne'e silu tiha hanesan ne'e maka fo mai ne'e," senora ida ba doutora mak tau matan ba ema hirak kuarentina iha Carla Mansion.
Hafoin fontes ne'ebé husu tempotimor.com labele públika identidade ne'e, informa, iha kalan ida lori fali hahán restu mai, tan ne'e sira desidi lakohi simu.
"Pernah, dala ida kalan mana sira fó ami la simu ne'ebé haruka fila, ami dehan husik bá dader mak hola paun han de'it, kalan ida la han, tanba hodi hahán restu mai", Dehan nia, sabdu (19/03).
Maski nune'e, parte sira nian prontu simu realidade ne'ebé kompaña ne'e implementa.
"Hahán ne'e mak loron ruma mai di'ak, loron ruma mai la dun di'ak fali, foin dadauk loron hira ne'e protes beibeik ne'e mak di'ak ituan, maibé dala ruma ita protes mós hanesan de'it, mai nafatin ne'ebé simu de'it ona realidade saida mak mai ne'e ita tuir de'it ona", tenik nia.
Tuir nian, kona-bá fatin toba ho fasilidade seluk ne'e di'ak, maibé hahán mak dalaruma lori fali restu mai. (*)