Kazu Pozitivu Covid-19 Aumenta 13, Rekoopera 1

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Foto Arkivu

Tempotimor (Dili) - Kazu komfirmadu bá moras Covid-19, iha loron kinta (18/03) aumenta 13 husi Munisípiu Dili, no pasiénte ida hetan retan rekooperadu.

Husi kazu pozitivu ne’ebé aumenta iha Timor-Leste daudaun ne’e rejista pasiénte ho totál hamutuk 119 mak iha sala izolamentu.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu na’in 13, iha mane n’ain-9, feto na’in-4, idade entre tinan 11-12 ema 2 no idade entre tinan 18-50 na’in-11, Sintomátiku na’in-3, no asintomátiku ka la hatudu sintomas, na’in-10.

Liuhusi zoom conference ba jornalista sira iha kinta(18/03), Rui Araújo esplika, husi Munisípiu Dili, kazu pozitivu 2 hetan kontajiu husi profisionál saúde husi cluster Aldeia 05 ho cluster Aldeia São Miguel, Suku Comoro, iha iha HNGV, unidade hemodiálize.

Ba kazu pozitivu 6 husi Aldeia Avansa, Suku Bairro Pite, Postu Administrativu Dom Aleixo. Pozitivu rua ne’e kontaktu-besik ho kazu pozitivuiha cluster hanesan, ne’ebé anunsía iha loron 16 fulan-marsu.

Iha mós kazu pozitivu 1 ihaAldeia Metin3 Suku Bebonuk, Postu Administrativu Dom Aleixo. Kazu ne’e ba aprezenta-an iha HNGV hakarak tes tanba deskonfia ihakontaktu-besik ho kazu iha Bebonuk.

Kazu pozitivu 2 iha Aldeia Lirio, Suku Motael, Postu Administrativu Vera Cruz. Kazu ne’e aprezenta-an iha HNGV hakarak tes tamba deskonfia iha besik ho kazu iha Bebonuk.

Nune’e kazu pozitivu 1 iha Aldeia Maucocomate, Suku Becora, Postu Administrativu Cristo Rei. Kazu pozitivu ne’e kontaktu iha servisu fatin ho kazu ida iha cluster Aldeia Mate Restu, Suku Vila-Verde.

Ho nune’e, kazu detetadu ka pozitivu iha Munisípiu Dili husi loron 7 fulan-marsu to’o loron 18 fulan-marsu hamutuk 95.

Tanba ne’e, atividade prevensaun no mitigasaun Covid-19 iha Munisípiu sira seluk la’o hanesan bai-bain.

Kontinua apela ba populasaunTimor-Leste tomak, liuliu iha Munisipiu Dili, Baukau no Vikeke atu nafatin hakmatek.

Maske kazu konfirmadu aumenta ba beibeik no naklekar mós iha Munisípiu Baukau no Vikeke, husu atu tu’ur nafatin hakmatek, atu nafatin matan-moris neon nain, lalika sé tilun ba lia-anin ka rumoris, pratíka nafatin medida sira husi Ministériu Saúde nian ne'ebé fó sai antes ona.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter