Koordenadór Forsa-Tarefa no Mitigasaun Surtu covid-19, Rui Maria de Aráujo hatete, kazu aumenta ba 18, rekuperadu na'in-3, kazu ativu hamutuk 97 no entre kazu foun 18 mai husi kontaktu besik ho kazu ida ne'ebé loron rua liuba relata husi vigilánsia sentinela iha sentru saùde Farmoza.
Kazu pozitivu 2 husi aldea Mate-restu, suku Vilaverde , Postu Adiminstrativu Vera Cruz, kazu pozitivu 7 husi, aldea Lurumata 03, suku Fatuhada, postu Adiminstrativu Dom Aleixo, kazu 1 husi aldea Dekat, suku Bairro-Pite, postu Adiminstrativu Dom Aleixo, kazu 1 husi aldea Fomentu 03 suku Komoro postu Adiminstrativu Dom Aleixo, kazu 1 husi aldea Teki-Teki, suku Bairro-Pite, postu Adiminstrativu Dom Aleixo, kazu 1 husi aldea Aimutin suku, Komoro postu Adiminstrativu Dom Aleixo no kazu pozitivu 1 husi aldea Tasi Mean suku Komoro, postu Adiminstrativu Dom Aleixo.
"Ho nune'e kazu detetadu ka pozitivu iha munisípiu Dili husi loron 7 fulan-marsu to'o ohin (14/03), hamutuk hotu 67”, dehan Ruinba jornalista sira liuhusi Zoom conference, domingu(14/03).
Husi amostra hirak ne'e foti iha loron 10 no loron 11 fulan-marsu iha Baukau hamutuk 132, horsehik (13/03) relata ona katak 37 mak sei hein rezultadu husi laboratóriu maibé rejultadu 37 negativu hotu.
“Hus kazu konfirmadu 2 ne’ebé horiseik ralata,no mós vigilánsia sentinela, ekipa konjunta saúde rekolla amostra hamutuk 119. Husi 119 amostras, na’in-4 mak pozitivu no sira ne’e hotu profisionál saúde iha Sentru Saúde Uailili”, relata Nia.
Kazu sira iha Munisípiu iha Cluster rua, mak hanesan cluster Caibada, kazu detetadu 2 ( mak ida iha loron 2 fulan-marsu, ida horiseik, loron 13 fulan-marsu) no Cluster Sentru Saúde Uailili Kazu detetadu 4.(*)