"Iha fulan-fevereiru nia-laran ita iha moras Ispa mak 1.450, depois tuir kedan ho Inan isin-rua partu ho konsulta pre-natal inklui (ho) post natal ne'e mak hamutuk 456”, deklara Diretór Klinika Bairu-pite, Inácio dos Santos iha ninia servisu fatin Bairu-Pite, Dili, kuarta (10/03).
Maibé, moras ne'ebé okupa primeiru lugar mak Ispa hamutuk 1.45 pasiente, depois mall nutrisaun 376, husi labarik tinan 5 ba karaik, tuir kedan pasiente moras kulit iha 304, pasiente moras diaria hamutuk 250, (22 pasiente mak sintina ran), paseinte dengue hamutuk 127 pasiente, TBC iha 54 pasiente nomos asidente hamutuk 42.
Inácio informa, stok ai-moruk iha klinika Bairu-pite rasik sei sufisiente mesmu iha ai-moruk esensial ho item balun mak stok out (menus).
Maske nune'e halo ona kontaktu ho sentru saúde sira hodi husu ona pedidu inklui halo maneira seluk hanesan fó reseita ba paseinte sira atu ba sosa rasik iha loja ai-moruk privadu sira.
"Item esensial balun mak stok out maibé ita koko atu buka solusaun no iha kolaborasaun ho sentru saúde sira ne'ebé iha, nomos ita-nia populasaun sira barak mak mai kuandu item sira ne'ebé stok out ita fó reseita sira ba buka rasik iha fasilidade saúde privadu ne'ebé iha Dili laran atusosa rasik”, dehan nia.(*)