Espera to’o loron 25 fulan fevereiru iha tinan 2021, husi munisípiu rua ne’e de’it, tenke hetan sampel 1.700, nune’e molok deklarasaun estensaun estadu Emerjénsia ba dala-11, husi swap screening ne’ebé ekipa halo iha terrenu mak negativu, singifika laiha transmisaun lokál.
"Laiha transmisaun lokál, entaun, Ministériu Saúde bele rekomenda ona ba Primeiru Ministru atu loke hikas fali blokeiu ne’ebé agora dadauk iha Kovalima ho Bobonaru",Dehan Odete iha Palásiu Cinzas Kaikoli, sesta (19/02/21).
Teste ne'ebé ekipa vijilansia hala'o ona iha Munisípiu Bobonaru ho Kovalima, hahú husi loron tersa to’o sesta fulan fevereiru tinan 2021, durante loron hat nia laran koileta sampel atinji ona 1.084 la inkluí Reziaun Administrativa Espesial Oekusi Ambenu (RAEOA) ho Ataúro
“Teste masal ita hahú iha tersa-feira, loloos iha segunda-feira maibé ekipa viajen tun ba terrenu, entaun teste masal ne’e tersa mak hahú ohin sexta, tama ona loron haat, sampel ne’ebé maka koleta ona husi munisípiu rua hanesan Bobonaru ho Kovalima total 1.084 la inkluí RAEOA ho Ataúro,” Nia afirma
Nia dehan, teste masal iha Kovalima ho Bobonaru bainhira remata sei halo kontinua mós ba iha RAEOA no Ataúro. (*)