Nilton hateten, atualizasaun kazu rekuperadu foun COVID-19 husi komisaun nasionál inkorpora tán pasiente COVID-19 rekuperadu na’in-18 husi Izolamentu Vera Cruz

"Pasiente rekuperadu na’in-tolu husi nasaun Tanzánia, na’in-rua tama klandestina no na’in-13 maka mai husi Indonézia liuhusi pontu entrada Batugede iha 20 janeiru 2021," Nilton ko'alia iha Palasiu de Cinzas, Kaikoli, kinta(18/2).

Nia relatan, atualizasaun kazu konfirmadu foun Covid-19 liuhusi oportunidade ida ne’e ohin komisaun nasionál rejista tan kazu pozetivu foun Covid-19 Timor-oan mane na’in-ida ho idade 28. Pasiente ne’e asintomátiku no daudaun ne’e iha ona izolamentu Vera Cruz, Dili.

"Iha 4 fevereiru 2021 nia viajen husi Londres, Reinu Unidu ba Doha ho aviaun Qatar Airlines.

Iha loron 5 fevereiru husi Doha bá Malázia, toba kalan ida iha aeroportu Kuala Lumpur.

Iha 6 fevereiru husi Malázia mai Dili, Timor-Leste," dehan nia.

Nilton salienta, sidadaun ne’e hela iha kuarentena ótel Carla Mension, iha kauarentena ne’e iha pasajeiru hamutuk ema na’in-16.

"Swab teste foti iha 16 fevereiru no rezultadu pozitivu relata iha loron 18 fevereiru", esplika Dr.Nilton.(*)