Tuir nia, vasina rútina sira-ne'ebé durante ne'e fóba labarik minoridade sira tanba governu servisu hamutuk ho 'Truck our man' service husi United Nations International Children’s Emergency Fund (UNICEF).
"Ita haree de'it, vasina rútina ba ita-nia oan sira-ne'ebé durante ne'e ita halo, normalmente ita la sosa mesak. Uza ita- nia osan, mais liuhusi prosesu 'Truck our man Service' husi UNICEF, katak ita husu ba UNICEF atu halo hela aprovizionamentu ba ita," dehan nia iha plenária Parlamentu Nasionál, kuarta (27/1).
Nia haktuir, pozisaun governu bainhira sosa ekipamentu vasina rútina ou vasina sira seluk liuhusi de'it UNICEF, tanba Timor-Leste to'o oras ne'e laiha laboratòriu ida para atu halo teste ba vasina.
Nia esplika, sé Timor-Leste iha laboratóriu rasik, entaun ne'e halo teste karik, halo teste ba saida, dalaruma ba animal ruma, ema ka oinsá.
"Tanba tenke halo laboratóriu ne'ebé mak sufistikadu para halo teste atu-bele vasina ninia seguru, vasina ninia kualidade, nomoos ninia efikásia,"dehan nia. (*)