Login to your account

Username *
Password *
Remember Me

PLP Lakon Rekursu Di'ak ida, Adeus Guntur

Familia  matebian saudozu Guntur nian hamrik ho triste besik matebian hatoba ba iha mortuáriu HNGV, sábadu (23/1) Familia matebian saudozu Guntur nian hamrik ho triste besik matebian hatoba ba iha mortuáriu HNGV, sábadu (23/1) Foto Tempo Timor

Tempotimor (Díli)- Vise-Prezidente Parlamentu Nasionál (PPN), Deputada Maria Angelina Sarmento no nu'udár mos kuadru importante ida, husi Partidu Libertasaun Popular (PLP) espresa nia sentimentu tristeza, tanbá lakon ona kolega no vise prezidente ba Komisaun Polítika Nasionál (CPN: sigla portugés) PLP nian, Deputadu Sabino Soares "Guntur".

Tuir Angelina, wainhira matebian sei moris, nia kontribui maka'as, hodi Lori PLP hetan asentu iha Parlamentu Nasionál (PN) ho kadeira ualu (8)

''Konsege lori partidu ida ne'e koñese iha Timor laran no liu barreira eleitorál no hetan kadeira ualu. Ami sente lakon boot tebes-tebes, tanba deputadu Guntur nia kontribuisaun ba partidu boot tebes,'' Nia haktuir ho triste, hafoin remata hala'o vizita ba matebian nia isin mate, iha mortuáriu, Hospitál Nasionál Guidu Valadares (HNGV), Sábado (23/01).

Nia mos konta tuir, dala barak, lideransa PLP no ulun boot sira husi órgaun Estadu, hanesan PN Governu, esforsu maka'as, atu konvense Guntur hodi halo tratamentu ba saúde.

''Se moras ida-ne'e ita fahe ba ema hotu atu lori todan, ha'u hanoin ami mos prontu atu simu, ka sente moras ida-ne'ebé mak nia lori ne'e para ami bele halo kma'an nia moras, maibé tanba ne'e idak-idak mak sente idak-idak mak lori, entaun dala barak ami koko atu konvense nia, pesoalmente hanesan instituisaun, hanesan partidu mais la konsege konvense nia tanba ema ne'e mai ho ninia konviksaun rasik, ho mos nia prinsípiu rasik. Nia hanesan lakon duni konfiansa ba prosesu médiku ne'ebé mak nia hala'o para bele halo tratamentu di'ak ba nia moras,'' dehan nia.

Angelina realsa tan, ho kontribuisaun matebian nian ba partidu, ne'ebé boot tebes, mak PLP halo esforsu, hodi matebian bele rekupera lalais nia saúde, maibé la konsege.

''Ami dala barak difísil atu konvense nia. Buat hotu ne'ebé ami halo, ami hakarak atu nia di'ak, ami hakarak nia di'ak tanba ho nia esforsu boot tebes, mak hodi kontribui ba partidu hodi konsege hetan kadeira ualu, iha PN hodi ohin loron, PLP mos bele hetan oportunidade bele ukun iha governasaun daualuk ne'e,'' nia hatete.

Durante V Lejislatura, membru PN nain tolu ona mak hakotu peregrinasaun iha mundu, hanesan, Deputadu Gilman Exposto dos Santos husi bankada Uniaun Demokrátiku Timorense (UDT), Deputada Albina Marçal Freitas, husi bankada Kongresu Nasionál Rekonstrusaun Timorense (CNRT) inklui Deputadu Sabino Soares "Guntur" husi bankada PLP, molok sira nia mandatu remata.

Entretantu, Deputadu Sabino Soares "Guntur" hahú baixa iha HNGV, iha loron 4 fulan janeiru 2021 no hakotu iis iha loron sábadu (23/01), mais ou menus, tuku 05:00 madrugada.

Tuir informasaun ne'ebé www.tempotimor.com asesu katak, mate isin husi saudozu Guntur, família sei lori ba nia rezidénsia, iha Munisípiu Liquiça, hafoin sei lori fali mai iha Aimutin, Díli, ikus liu, sei lori ba matebian nia moris fatin, iha Munisípiu Baucau, hodi kontinua prosesu seremónia fúnebre.(*)

Rate this item
(0 votes)
Last modified on Saturday, 23 January 2021 15:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter