Login to your account

Username *
Password *
Remember Me

Emposadu Na'in 134 Asina Ona Termu Aseitasaun ho MS

Emposadu hamutuk nain 134 ne'ebé liu ona iha teste ba vaga ne'ebé anùnsia husi Ministériu Saúde (MS) ho Komisaun Funsaun Públika (KFP) no dadaun tuir hela juramentu no hahú serminónia asina termu aseitasaun iha salaun Palásiu Sinzas Kaikolo, tersa (29/12). Emposadu hamutuk nain 134 ne'ebé liu ona iha teste ba vaga ne'ebé anùnsia husi Ministériu Saúde (MS) ho Komisaun Funsaun Públika (KFP) no dadaun tuir hela juramentu no hahú serminónia asina termu aseitasaun iha salaun Palásiu Sinzas Kaikolo, tersa (29/12). Foto Tempo Timor

Tempotimor (Dili)- Emposadu hamutuk na'in 134 asina ona termu aseitasaun ho Ministériu Saúde (MS) molok halo destakamentu ba hala'o kna'ar iha sentru saúde hotu iha Timor-Leste laran tomak ne'ebé antes ne'e sira rasik deside hili ona hodi hala'o atendimentu saúde ba komunidade sira.

Kompozisaun klasifikadu vaga 134 ne'e kompostu husi, médiku espesialísta vaga 4, priensidu vaga 3, reanúnsiu vaga ida, médiku jerál vaga 12, priensidu 12, laiha reanúnsiu, parteira 19, priensidu 18, reanúnsiu ida, tékniku dentária vaga 116, priensidu 101.

Husi númeru ne'e, téknika analísta iha 31, farmasísta 20, radiolojísta 55, fisioterápia 9, tékniku dentária 32, eletromédiku 1, medical record 1, nutrisionísta 2, no vaga ne'ebé reanúnsiu, analísta na'in 7, farmásia 2, téknika dentária 4, elektromédiku ida, nutrisionísta iha na'in ida.

Ministra Saúde (MS), Odete Maria Freitas Belo esplika, prosesu rekrutamentu ne'e tomak hahú husi faze ida ho proposta Ministériu Saúde (MS) nian ne'ebé hato’o ba Komisaun Funsaun Públika (KFP) anunsiu ba vaga, submisaun ba dokumentu sira, hala’o avaliasaun no verifikasaun ba dokumentu, anúnsiu rezultadu selesaun dokumentu, teste ba kandidatu sira ne'ebé kumpri rekezitu, anúnsiu ba teste no rezultadu hodi hato'o ba KFP hodi halo omologasaun.

“Tanba ne’e maka, ohin ita-boot sira ne'ebé hamutuk profisionál saúde na'in 134 hetan omologasaun husi prezidente komisaun funsaun públika hodi tuir termu aseitasaun iha loron ida ne'e iha salaun Palásiu Sinzas”, Ministra Saúde (MS), Odete Maria Freitas Belo hateten durante diskursu ba serimónia asinatura termu aseitasaun ho funsionáriu na’in 134 iha salaun Palásiu Sinzas Kaikoli, Tersa (29/12).

Nia hatutan, husi prosesu rekrutamentu sira ne'e hatudu transparánsia, akontabilidade no responsábilidade hodi hasees korupsaun, nepotízu no famíliarízmu.

“Ita-boot sira ne'ebé ohin simu termu aseitasaun, sei entrega tuir dekretu lei númeru 13/2012 iha loron 7 fulan Marsu kona-ba rejíme karreira profisionais saúde ne'ebé iha aneksu ida, espesifikamene define estatutu karreira médika no aneksu define haat, define estatutu karreira tékniku no diagnóstiku Terapiótiku no saúde públika, Ita-boot sira sei koloka bazeia ba nesesidades ministériu saúde nian”, nia hateten.

Nia espera, ho komprimísiu neebé emposadu ka funsionáriui sira halo ona, liuhusi dedikasaun no profisionalízmu nu'udár funsionáriu servisdór estadu nian ne'ebé sei koloka hodi pesta servisu iha nível hotu-hotu hodi fó pestasaun direta ba komunidade.

“Ita-boot sira ne'ebé iha Ospitál nasionál Guido Valadáres, Ospitál referénsia, sentru saúde komunitária, postu saúde inklui RAEOA, ha'u la koalia dehan tenke, maibé ita presíja kaer metin prinsípiu hodi tau interese nasaun no hasees interese partikulár no privádu sira hotu”, nia hakotu.

Diretóra Nasionál Rekursu Umanu iha MS, Tomázia de Sousa haktuir, prosesu rekrutamentu ne’e hala’o, bazeia ba planu oramentál Ministériu Saúde nian iha OJE tinan 2019, ne’ebé atu rekruta profisional saúde hamutuk 320 hodi koloka ba Ospitál Naionál Guido Valadáres, Opsitál Referál Maliana, Maubisse, Suai, Oekusi, Horiks Baukau, sentru saúde nomós postu saúde sita hotu.

Nia dehan, liuhusi konkursu públiku husi KFP iha fulan Setembru 2020, iha vaga 201 mak priensidu ona no simu ona termu aseitasaun hanesan funsionáriu públiku periudu provatóriu iha loron 28 Fevereiru 2020 no reanúnsiu 210 vagas.

Iha fulan Jullu 2020 KFP halo reanúnsia fila-fali konkursu públiku ba vaga hamutuk 210, maibé parte MS hahú reanúnsia tarde tanba kauza husi Pandemia Covid-19.

“Iha oportunidade ida ne’e, ami hakarak relata de'it kompozisaun klasifikadu ba vaga 143 ne’e kompostu husi médiku espesialísta vaga 3, priensidu vaga 3, reanunsiu vaga 1, Médiku Jerál vaga 12, priensidu vaga 12, reanuniu zero”, nia relata.

Diretora ne’e hatutan, husi parteira nian iha vaga hamutuk 19, ida ne'ebé priensidu iha vaga 18, reanúnsiu vaga ida, tékniku aliadu vaga hamutuk 116, priensidu vaga 101, mak hanesan analísta 3 pesoas, farmasista 20 pesoas, radiolojísta 55 pesoas, fisioterapia 9 pesoas, tekniku dentáia 32 pesoas, eletromédiku ema ida, médiku ema ida, nutrisionísta iha rua. Reanúnsiu vaga hamutuk 15 vagas.

“Hakarak informa mós ba ita hotu katak durante prosesu rekrutamentu iha mós reklamasaun husi kandidatu sira hamutuk ema na’in 4 no membru painel juri sira halo ona resposta ba iha reklamante sira”, nia dehan.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter