Login to your account

Username *
Password *
Remember Me

Iha Fulan-Agostu, TL Rejista Kazu Covid-19 Tolu

Ministra Saúde dr. Odete Maria Freitas Belo, MPH lao sai husi odamata palasiu Governu hafoin partisípa Reuniaun Konsellu Ministru iha Palácio Governu, Dili (26/*) Ministra Saúde dr. Odete Maria Freitas Belo, MPH lao sai husi odamata palasiu Governu hafoin partisípa Reuniaun Konsellu Ministru iha Palácio Governu, Dili (26/*) Foto Midia MS

Tempotimor (Dili) - Maski Timor-Leste livre ona husi surtu Coronavirus Disease 2019 (Covid-19) durante fulan ida-liu hafoin pasiente 24 hetan liberdade husi sala izolamentu, maibé bainhira tama ba fulan-Agostu TL rejista kedas kazu importadu foun 3.

Liuhusi konferénsia imprensa iha salaun Ministériu Saúde (MS), Palásiu das Sinzas, Kaikoli, Ministra Saúde (MS), Odete Maria Freitas Belo hateten, iha Kuarta (26/8), TL rejista tan kazu foun ida ne'ebé ho totál 27 ona.

"Ohin TL rejista tan kazu pozitivu 1 tan, entaun hamutuk kazu 27, husi totál kazu ne'e, na'in 25 mak rekuperadu ona, na'in ida iha sala izolamentu no ida seluk atu dezloka ba izolamentu," dehan nia, ba jornalista sira, Kuarta (26/08).

Nia dehan, pasiente ne’e nu'udar sidadaun Indonézia ho idade 23, ne’ebé oras ne’e daudaun servisu iha kompañia Wartsila.

" Sidadaun ne'e viajen husi Jakarta mai Kupang ho aviaun Batik Air iha loron 11 Agostu 2020, depois loron ne'e kedas sidadaun ne'e kontinua viajen husi Kupang mai Atambua ho aviaun Lion Air no hela iha Otél Matahari, depois iha 12 Agostu, loron tuir mai kontinua viajen husi Atambua mai Dili ho karreta travel," dehan Odete.

Entretantu, pasajeiru sira ne'ebé tama TL iha 12 Agostu hamutuk 84, na'in 7 tama auto-kuarentena no na'in 77 tama kuarentena obrigatóriu.

Nune'e, sidadaun ne'ebé hetan pozitivu ne'e hela iha auto-kuarentena iha otél Garden Beach ho nia maluk na'in 6.

Pasiente foun ne'e halo kontaktu besik ho ema na'in 14, kompostu husi nia maluk na'in 6 seluk no na'in 8 seluk mak sidadaun sira ne'ebé durante ne'e atende sira iha otél, no husi parte MS rekolla ona sira-nia amostra hodi halo teste.

Entretantu, sidadaun sira ne'ebé durante ne'e tama iha TL hamutuk 5.371, husi númeru ne'e teste negativu 5.241, hein hela rezultadu 103 no sidadaun sira ne'ebé sei iha kuarentena obrigatóriu no auto-kuarentena hamutuk 448 balun iha Dili no balun iha munisípiu. (*)

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Rate this item
(0 votes)
Last modified on Thursday, 27 August 2020 07:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter