Tuir monitorizasaun Fundasaun Alola , dadus ne'ebé sira hetan no observa iha tinan 2015 to'o 2020 totál kazu infantisídiu ne'ebé rejistu iha PNTL hamutuk haat 49.

Diretora hateten, infantisídiu ka soe bebé iha Timor-Leste mós ratifika ona konvensaun internasionál Kona-bá direitu labarik ne'ebé regula sidadaun hotu-hotu atu respeita direitu labarik nian ho másimu tuir Konstituisaun RDTL ne'ebé mak prevé ona iha artigu 18 katak, labarik hotu-hotu iha diretu másimu hetan protesaun husi família, komunidade, sosiedade no Estadu.

"Maski enkuadramentu legál ne'e hotu iha ona hodi proteje vida umanu, maibé realidade ita rona no haree katak kazu infantisídiu ka soe bebé kontinua aumenta ba beibeik," dehan Diretora Interina Fundasaun Alola, Maria Imaculada Guterres, iha knaar fatin, Fundasaun Alola, Kaikoli, Tersa (25/8).

Nia dehan, iha fulan ne’e akontese fali tan kazu soe bebé. Tanba ne’e, atu evita presiza ema hotu nia kontribuisaun atu servisu hamutuk oinsá bele buka solusaun di'ak atu elimina kazu ne'e.

Bazeia ba kazu ne'e diretora hateten, sira la'ós fasilita de'it informasaun ba komunidade sira iha área remota, maibé alvu husi programa advokasia Fundasaun Alola nian ida maka juventude sira no estudante, tanba dala barak sira mak sai hanesan autór ba kazu ne'e.

"Joven tenke matenek, tenke iha maturidade, tenki iha responsabilidade tanba ita boot sira nia futuru sei naruk. Nasaun nia futuru iha ita boot sira-nia liman”, dehan Maria.

Tanba ne'e, atividade sira ne'ebé dala barak Alola halo foka liu ba juventude sira atu hasae kapasidade iha área oioin inklui mós área sira ba violénsia ba jéneru. (*)

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>