Tuir Ministra Saúde (MS) Odete Maria Freitas Belo katak, iha komemorasaun aniversáriu loron Falintil ba dala 45, TL mós rejista hikas kedas kazu foun Covid-19.
"Ita-nia pasiente Covid-19 ne'ebé detekta iha 3 Agostu ne'e, horseik ita hasai ona nia husi sala Izolamentu Vera Cruz, maibé hakarak informa ba públiku katak ohin (20/08) MS detekta tan sidadaun timoroan ida ne'ebé pozitivu ba covid-19, ne'ebé oras ne'e iha ona sala izolamentu, nune'e Timor-Leste nia kazu pozitivu 25 aumenta ba 26," dehan MS Odete ba jornalista sira iha Palásiu da Sinzas, Kinta (20/08)
Nia afirma, kazu foun ne'ebé ogin detekta, kontinua kazu importandu.
"Sidadaun ne'ebé ohin detekta kazu pozitivu ba covid-19 ne'e, kazu importadu. Nasionalidade husi pasiente ne'e ema timoroan, hela iha Dili, sexu mane ho tinan 25," dehan Odete
Pasiente agora ne'e nia viajem husi Denpasar mai TL ho aviaun Citilink ne'ebé aluga husi SEFOPE no to'o iha loron 5 fulan ne'e no ba kuarentena iha Hotel Farol Carla Mention.
Tuir Odete, hafoin detekta sidadaun ne'e pozitivu ba covid-19, MS mós halo ona teste ba maluk na'in 9 seluk ne'ebé durante semana rua hamutuk ho pasiente refere iha Hotel Farol, maibé sidadaun na'in 9 ne'e negativu ba covid-19 no pasiente dadaun ne'e nia kondisaun di'ak hela ka laiha sintomas.
Entretantantu sidadaun sira ne'ebé hala'o viajem husi zona afetadu mai Timor Leste durante estadu emerjénsia dahuluk to'o ohin loron hamutuk rihun 5.146.
PUBLISIDADE HUSI MOP FO PARABENS BA LORON FALINTIL
