Laiha Sintoma Ba Pasiente Covid-19

Servisu na'in sira iha Sentru Saude Vera Cruz Dili Servisu na'in sira iha Sentru Saude Vera Cruz Dili Foto Suplai

Tempotimor (Dili) - Pasiente Coronavirus Diisease 2019 (Covid-19) ne’ebé tama iha sala izolamentu, iha loron 4 Agostu 2020, to’o agora pesoál saúde la konsege hetan sintoma-sintoma husi moras ne’e rasik.

Ministra Saúde (MS), Odete Maria Freitas Belo hatete, sidadaun Indonézia ne'ebé rejista pozitivu moras Covid-19 no daudaun iha hela izolamentu sei hein teste tan dala ida, karik laiha ona rezultadu pozitivu bele alta.

Nia ehan, pasiente ida ne'ebé daudaun pozitivu Covid-19 kumpre hela izolamentu iha Sentru Saúde Vera Cruz no ninia kondisaun rasik di'ak hela.

“Pasiente ne'e ninia kondisaun di’ak hela laiha sintoma ruma no hein teste segundu mai para haree virus ne'e sei pozitivu ka lae. Teste ba nia dala-rua ona no relativamente ne'e teste ba dala-tolu", dehan Ministru Odete, iha Palásiu Governu, Segunda (10/08).

Nia dehan, halo teste ba amostra husi pasiente ne’e la presiza lori ba laboratóriu Austrália, tanba Timor-Leste mós iha ona ninia mákina rasik ne'ebé kualidade atu halo teste.

"Primeiru mak ita laiha kapasidade, nune’e lori ba teste iha Darwin, maibé agora daudauk ita-nia mákina iha, entaun bele halo teste iha ne'e. Kuandu hatete pozitivu klaru tanba, husi Darwin sira rekoñese ita-nia laboratóriu kualidade di’ak", teni nia. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.