Enfermeiru Sira Konsidera MS Hasai Vaga Sala

Enfermeiru/a hamutuk nain 19 hala'o komunikadu imprensa iha jardim 5 de maio kuarta (5/8.) Enfermeiru/a hamutuk nain 19 hala'o komunikadu imprensa iha jardim 5 de maio kuarta (5/8.) Foto Tempo Timor

Tempotimor (Dili) - Enfermeiru sira hamutuk na'in 19 deklara hodi ezije ba Ministériu Saúde (MS) atu analiza didi'ak vaga ba tékniku dentária nian tanba konsidera iha fallansu.



Vaga ba pesoál tékniku dentária foun ne'ebe Ministériu Saúde anunsia ba públiku, iha loron 29 Marsu 2020, mosu deskriminasaun ba pesoál enfermeiru dentária sira iha Timor-Leste.

Portavós grupu enfermeiru, Olac Jose C. N. R. Fernandes, husu Ministériu Saúde tenke haree didi'ak fali deskrisaun konteúdu funsionál ba tékniku dentária ninian.

"Ami ezije ba Ministériu Saúde atu haree didi'ak fali deskrisaun konteúdu funsionál ba tékniku dentária prenvesaun no promosaun ba saúde," dehan nia, iha Jardín 5 Maiu, Kolmera, Kuarta (05/08).

Tuir nia, vaga servisu ne'ebé MS loke ba tékniku dentária iha diskripansia uitoan tanba Ministériu Saúde fó fali servisu enfermeiru dentária nian ba fali tékniku dentária.

Tanba ne'e, sira la konkorda konteúdu husi vaga ne'e, hodi husu atu hadi'a hikas vaga ne'e.

Nia hatutan, servisu enfermeiru ninia ba  dentária ne'e ninia servisu mak prevensaun no  promosaun, la'ós kompeténsia ka knaar tékniku dentária.

"Agora daudaun  nee povu Nia nesesidade mak primeiru help cares no tratamentu presiza  enfermeiru dentária hodi halo tratamentu báziku," dehan nia.

Tuir sira, Ministériu Saúde bainhira rekruta tékniku dentária ka ema enfermeiru dentária  tenke koloka tuir saúde ka protokolu orál nian.

Aleinde ne'e, enferimeiru sira ne'e mós sei levanta kazu ne'e ba Parlamentu Nasionál kuandu Ministériu Saúde la responde sira nia ezijénsia. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.