Print this page

Postu Saúde no Sentru Saúde iha Dili Sosa Bee-Moos

Logo Ministeriu Saude Logo Ministeriu Saude Foto Google

Tempotimor (Dili) - Postu saúde tolu no sentru saúde ida iha kapitál Dili durante sosa bee-moos hodi fasilita pasiente sira tanba laiha asesu ba kanalizasaun bee-moos.

Diretór Saúde Munisípiu Dili, Agostinho da Costa hateten, postu saúde hirak ne'e hasoru difikuldade ba bee-moos, entaun durante ne'e Ministériu Saúde (MS) sosa de'it bee moos hodi apoiu ba pasiente sira, inklui nesesidade postu saúde sira-nian.

"Dadaun ne'e postu saúde tolu mak seidauk asesu ne'e moos to'o agora, hanesan postu saúde ida iha Manleuana, Lemkari no no Lahane Osidentál, inklui sentru saúde Kristu Rei ne'ebé ita mós problema hela kona-ba bee," dehan nia, iha Sentru Saúde Komoro, Tersa (28/07).

Diretora ne'e afirma, durante ne'e hola de'it bee mós mak apoiu ba sentru saúde sira ne'e.

"Maske sentru saude sira ne'e iha problema, maibé bee moos iha disponivél ba sira, mas sira ne'ebé ohin ha'u temi ne'e laiha duni, entaun meiu ne'ebé durante ne'e ita uza hodi fasilita mak sosa de'it bee, dala-ruma sira rasik mak ba kuru de'it bee, para apoiu ba sira," nia dehan.

Entrtantu, postu saúde iha kapitál Dili hamutuk 19 ne'ebé prienxe kritéria, maibé sentru saúde lima seluk uza hela fasilidade suku nian mak hodi halo tratamentu ba pasiente sira, alende ne'e sentru saúde neen mak iha kapitál Dili. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items