Maske PR Lu Olo Veta Rejime Juridiku, MS Kontinua ho Vizilansia Sanitariu

Diretora Saude Munisipiu Dili Agostinha da Costa Segurado Ko'alia ba jornalista sira iha SS Comoro (28/07) Diretora Saude Munisipiu Dili Agostinha da Costa Segurado Ko'alia ba jornalista sira iha SS Comoro (28/07) Foto Tempo Timor

Tempotimor (Dili)-Maske Prezidente Repúblika Francisco Guterres Lu Olo veta dekretu lei kona-ba rejime juridiku vizilansia epidemiolojika no vizilansia sanitariu, maibé parte saúde sei kontinua uza vizilansia sanitariu hodi halo prvensaun ba moras hadaet sira.

Diretora Saude Munisipiu Dili (DSMD) Agostinha da Costa Segurado dehan, atu prevene moras hadaet sira, inklui Covid-19, nu’udar tekniku no lideransa saude munisipiu Dili, sei uza nafatin vililansia sanitariu.

“Ita nafatin garantia ba vizilansia, tanba vizilansia ne’e importante, la’os ba Covid de’it, maibé ba moras barak ne’ebé mak sai surtu ba mundu inklui mós iha Timor-Leste,” dehan Agostinha.

Nia hatete, populasaun iha kapital Dili barak, tan ne’e nia parte sei kontinua halo sentinel iha sentru saude sira.

“Dili mak portaun ba ema movimeta ba-mai, entaun nafatin halo vizilansia sentinela par sira ne’ebé iha sitomas ISPA, ita nafatin foti sira-nia swap hodi haruka ba laboratoriu par halo teste,” nia dehan.

Tanba, tuir nia, maske pozitivu Covid-19 iha TL laiha ona, maibé ameasa ba virus ne’e sei kontinua iha, tan ne’e presiza nafatin vizilansia.

Rate this item
(1 Vote)
Last modified on Tuesday, 28 July 2020 17:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.