PM Taur Entrega Ona Podér Prevensaun COVID-19 ba Ministériu Saúde

Primeiru Ministru Taur Matan Ruak akompanha husi komandante SIJK, Brigadeiru Jeneral, Aluk entrega dokumentus ba Ministra Saude, Odete M. Freitas Belo iha CCD (30/6) Primeiru Ministru Taur Matan Ruak akompanha husi komandante SIJK, Brigadeiru Jeneral, Aluk entrega dokumentus ba Ministra Saude, Odete M. Freitas Belo iha CCD (30/6) Foto Isac Oliviera

Tempptimor (Dili)-Primeiru Ministru (PM) Taur Matan Ruak ofisialmente entrega ona podér prevensaun no kombate Corona Virus (COVID-19) ba Ministériu Saúde (MS) ne'ebé durante fulan tolu Sala Situasaun Sentru Integradu Jestaun Krize (SS-SIJK) lidera.

"Ohin loron ne'ebé importante tebes, tanba halo tranzisaun ba responsabilidade ne'ebé Sala Situasaun Sentru Integradu Jestaun Krize asume durante fulan tolu ba fali Ministériu Saúde," dehan PM Taur iha CCD Dili, Tersa (30/06).

Iha serimónia tranzisaun responsabilidade ne'e, PM Taur kongratula ekipa SIJK ne'ebé durante fulan tolu servisu maka'as.

"Hakarak aproveita oportunidade hodi fó parabens ba ekipa sala situasaun, ne'ebé halo servisu di'ak loos durante fulan tolu nia laran, tanba ne'e hodi governu nia naran, ha'u nia naran rasik, estadu nia naran, hakarak sauda ba sira hotu ne'ebé hamriik iha SIJK nia kotuk hanesan kondutór, sira ne'ebé tau matan ba lojístika to'o iha profesionál saúde sira ne'ebé hamriik iha oin," Taur kongratula.

TMR mós orgullu ema hirak ne’e nia servisu, ho rezultadu di'ak loos, tanba konsege halakon ema hotu ne'ebé moras iha rai ne’e, hamutuk na’in 28 no evita moras ne'e nia da'et ba nia inan aman sira liu-liu la hetan ema mate.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.