"Hakarak mós hakle’an liután ita hotu nia entendimentu kona-bá kuarentena ka konfinamentu. Kuarentena ka konfinamentu ha oin rua hanesan voluntáriu no obrigatóriu," dehan Porta-Vóz SIJK doutór Rui Maria de Araújo iha Sala Situasaun ba jornalista sira, Kinta (14/05)
VIDEO PUBLISIDADE APELU HUSI PM TAUR APLAUS BA FRONT LINE
Liu tan doutór Rui mós afirma, auto-kuarentena katak kuarentena ne'ebé voluntáriu ba ema hotu.
"Kuarentena voluntáriu ita aplika ba populasaun tomak, wainhira ita husu atu voluntáriamente ida-idak hela iha uma, no lalika sai, wainhira la presiza. Ita hotu koko ona kuarentena ka konfinamentu voluntáriu durante períodu estadu emerjénsia nia laran," dehan Rui.
Entretantu kuarentena obrigatóriu katak aplika obrigatoriamente ba sidadaun sira ne'ebé deskonfia lori vírus corona.
PUBLISIDADE
"Kuarentena obrigatóriu, aplika ba ema ne’ebé ita deskonfia lori vírus Covid-19. Kuarentena ka konfinamentu obrigatóriu normalmente hala’o durante semana rua nia laran, no tenki prienxe kritériu hirak hanesan, ema ida hela iha kuartu ida, ho haris-fatin ketak, no labele besik ka kahur malu ho ema seluk, atu nune’e hamenus risku atu hada’et moras Covid-19 ba ema seluk," nia dehan.
Alende ne'e, kuarentena ka konfinamentu obrigatóriu bele halo iha fatin ne’ebé Governu prepara ona no bele mós halo iha ida-idak ninia uma rasik, ne’ebé koñesidu ho naran (auto-kuarentena), maibé tenki prienxe kritériu hanesan temi ona iha leten.
PUBLISIDADE
