Diretór Unidade Apoiu Jurídiku Ministériu Saúde, Belarmino da Silva Pereira hateten, okupante na'in 78 ne'e lakohi koopera ho pesoál saúde sira hodi halo atendimentu ba sira, tanba kontrariu ideia entre okupante ho pesoál saúde.
"Situasaun ida ne'e hanesan mós ho kuarentena sira seluk ne'ebé akontese ona, tanba sira iha ne'e ema na'in ida pozitivu, entaun sira ezije hakarak hasai hotu sira-nia sample hodi halo ezaminasaun teste", dehan nia, iha Hotel Horizonte, Metiaut, Segunda (27/4).
Analiza uza epidemiolojia katak, ida pozitivu duni maibé indika atu hasai hotu sira seluk nia sample ka lae, tanba ne'e atu hasai ka lae epidemiolojia mak sei deside see presiza atu hasai hotu hodi halo analiza tuir situasaun baibain tuir rezultadu ezaminasaun teste.
Nune'e, halo ona aprosimasaun hein rezultadu loron rua ka tolu tuir mai sira iha komprensaun sei koopera, kuandu la koopera signifika sira nia hanoin diferente ho aprosimasaun ne'ebe halo ona.
Entertantu, okupante nain 78 iha kuarentina obrigatoriu Otel Horizonte, kompleta loron 14 liu tiha ona, maibé sira-nia maluk ida pozitivu entaun estende tan to'o mai agora. (*)