Xefe Governu akresenta, Timor-Leste la'ós nasaun ida ke mesak mak enfrenta Covid-19, mundu tomak no iha nasaun balun ne'ebé dramatiku tebes.

Taur hateten, ema hotu la komprende, intende ho situasaun Covid-19 ne'ebé até agora to'o nivel daudaun ne'e hasoru.

"Seidauk iha nasaun ida ke abilitadu atu fó resposta ba ita hodi hateten bainhira mak Covid-19 bele hotu ka para, hotuhotu hateten buat ida deit enkuantu seidauk iha vasina, seidauk iha kura nia (Covid-19) sei lori tempu narauk tan," dehan PM Taur, iha Parlamentu Nasionál, Segunda (27/4).

Eis Xefe Estadu hateten, Estadu Emerjénsia la'ós solusaun, maibe hanesan kondisaun ida atu ajuda nasaun perpara kondisaun para abilita no kapasita responde situasaun.

Entretantu, Xefe Governu esplika, iha situasaun pandemia Covid-19, Governu halo maneira ho paralelu hanesan, Estadu emergensia parte prevensaun Covid-19, inklui normaliza ekonomia liuhusi dalan subsidiu ne'ebé daudaun ne'e governu sei deskuti maneira distribusaun. (*)