Login to your account

Username *
Password *
Remember Me

Kondisaun Pasiente Covid-19 Na'in 22 sei La Grave

Ministru Saude Interinu, Bonifasio MauKoli dos Reis ko'alia ba Jornalista sira iha Palasiu do Governu (24/4) Ministru Saude Interinu, Bonifasio MauKoli dos Reis ko'alia ba Jornalista sira iha Palasiu do Governu (24/4) Foto Isac Oliviera

Tempotimor (Dili) - Coronavirus Disease 2019 (Covid-19) ne'ebé afeta ona ba pasiente na'in 22 iha Timor-Leste, sei tama iha kategoria lijeiru. Tanba ne'e, kondisaun pasiente sira sei la grave.

Ministru Saúde (MS) interinu, Bonifácio Maucoli hateten, sidadaun na'in 22 ne'ebé afetadu no iha hela sala izolamentu Sentru Saúde Vera Cruz nia virus sei la afeta sira-nia saúde to'o iha faze ne'ebé grave nian.

"Sira ne'ebé iha ne'ebá ne'e mesak joven de'it, agora virus ne'e perigu liu mak ema ne'ebé idade 50 ba leten, inklui sira ne'ebé moras rins, kankro, diarea. Maibé sira ne'e nia saúde di'ak ne'ebé atu hatudu sinal gravidade ne'e laiha," dehan nia, iha edifísiu Ministériu Finansas (MF) Ai-Tarak Laran, Kinta (23/4).

Tuir nian, sidadaun sira ne'ebé iha sala izolamentu kondisaun di'ak hotu.

"Sira-nia kondisaun di'ak hotu, tanba ne'e iha tempu oin mai ne'e hein katak balun bele livre ona husi izolamentu, tanba rezultadu hatudu katak iha progresu ne'ebé di'ak," tenik nia.

Entretantu, sidadaun sira ne'ebé iha hela sala izolamentu ne'e balun negativu ona, maibé sei halo teste, tanba tenke teste dala rua mak rezultadu negativu, entaun sira bele livre ona.

Entretantu, Portavós Sentru Integradu ba Jestaun Krize (SIJK), Rui Maria de Araujo mós afirma, sira ne'ebé iha sala izolamentu ida-idak simu ona rezultadu teste laboratóriu.

Sira na'in 22 hamutuk ho provavél na'in haat ne'e ida-idak simu ona sira nia rezultadu laboratóriu primeiru, no hahú loron balun liu ba hahú halo fali ona teste laboratóriu hodi monitoriza virus sei iha sira nia isin ka lae.

Nune'e, husi sira na'in 26 seidauk iha ema ida mak rezultadu negativu dala rua tutuir malu. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter